У 25 раёнах Беларусі можна свабодна наведваць лясы

4 жніўня, Позірк. У 25 раёнах Беларусі з 118 дазволена свабодна наведваць лясы, сведчаць даныя інтэрактыўнай карты Міністэрства лясной гаспадаркі на вечар 4 жніўня.

Лясы можна наведваць у Верхнядзвінскім, Мёрскім, Глыбоцкім, Шаркаўшчынскім, Браслаўскім і Пастаўскім раёнах Віцебскай вобласці, Мядзельскім раёне Мінскай вобласці, Смаргонскім, Астравецкім, Ашмянскім, Воранаўскім, Лідскім, Гродзенскім, Бераставіцкім, Ваўкавыскім і Свіслацкім раёнах Гродзенскай вобласці, а таксама ў Івацэвіцкім, Пружанскім, Бярозаўскім, Драгічынскім, Брэсцкім, Кобрынскім, Жабінкаўскім, Камянецкім і Маларыцкім раёнах Брэсцкай вобласці.

Забаронена наведваць лясы ў двух раёнах Гомельскай вобласці — Петрыкаўскім і Жыткавіцкім.

Яшчэ ў 91 раёне дзейнічаюць абмежаванні, пры якіх у лясы нельга заязджаць на аўтамабілі і разводзіць там вогнішчы, але даступныя пешыя прагулкі, збор ягад і грыбоў.

Паводле даных Белгідрамета, 5 жніўня на большай частцы тэрыторыі краіны максімальная тэмпература дасягне 34 градусаў, па поўдні ў некаторых раёнах паветра прагрэецца да +38.

Грамадства

Грамадства

Лясны пажар у Жыткавіцкім раёне ўсё яшчэ не патушаны

4 жніўня, Позірк. Лясны пажар у Жыткавіцкім раёне (Гомельская вобласць) усё яшчэ не патушаны, вынікае з паведамлення Міністэрства па надзвычайных сітуацыях. 4 жніўня да тушэння пажару дадаткова быў прыцягнуты верталёт Мі-8 авіяцыі МНС. Адзначаецца, што за два дні верталёты МНС …

Чытаць