У Рэчыцкім раёне затрыманы матацыкліст з 3,5 праміле алкаголю

21 жніўня, Позірк. Пра факт п’янага кіравання ў Рэчыцкім раёне паведамляе УУС Гомельскага аблвыканкама.

Адзначаецца, што ў вёсцы Заспа супрацоўнікі Дзяржаўтаінспекцыі “заўважылі матацыкл, кіроўца якога на законнае патрабаванне спыніцца не адрэагаваў і паспрабаваў уцячы”.

Пасля пагоні парушальніка затрымалі. “Ім аказаўся 38-гадовы жыхар Рэчыцкага раёна, які не толькі не меў права кіравання транспартнымі сродкамі, але і быў п’яны. Вынікі экспертызы паказалі 3,52 праміле алкаголю”, — гаворыцца ў паведамленні.

У дачыненні да мужчыны складзена шэсць адміністрацыйных пратаколаў. Ён пазбаўлены правоў кіроўцы на пяць гадоў і аштрафаваны на 9.000 рублёў. Матацыкл змешчаны на ахоўную стаянку.

Гл. таксама:

У Бабруйску ДАІ зняла з лініі п’янага кіроўцу аўтобуса — экспертыза паказала 1,15 праміле

У Віцебскай вобласці супрацоўнікі ДАІ стралялі па аўтамабілі з п’яным кіроўцам