Жыхар Салігорска захоўваў дома больш за 2 кг марыхуаны — распачатая крымінальная справа
10 кастрычніка, Позірк. У дачыненні да 36-гадовага жыхара Салігорска распачатая крымінальная справа за “незаконны абарот наркатычных сродкаў без мэты збыту” (ч. 1 арт. 328 КК), паведаміла 10 кастрычніка прэс-служба УУС Мінскага аблвыканкама.
Паводле інфармацыі тэрытарыяльнага ведамства, пра тое, што мужчына захоўвае дома забароненыя рэчывы, стала вядома “падчас прафілактычных мерапрыемстваў, якія праводзяцца пастаянна”.
“У кватэры салігарчаніна супрацоўнікі наркакантролю выявілі высушаную раслінную масу і насенне канабісу, — гаворыцца ў паведамленні. — Экспертыза пацвердзіла падазрэнні сышчыкаў: вынятае рэчыва з’яўляецца небяспечным наркатычным сродкам — марыхуанай. Шалі зафіксавалі значную лічбу — больш за 2,1 кілаграма”.
“Сам затрыманы сцвярджае, што такія запасы “травы” ён нарыхтаваў выключна для ўласнага спажывання. Аднак аб’ёмы канфіскаванага выклікаюць у праваахоўнікаў аб’ектыўныя пытанні”, — адзначыла УУС Мінскага аблвыканкама.
45-гадоваму жыхару Салігорска пагражае да 15 гадоў зняволення за распаўсюд наркотыкаў
9 жніўня, Позірк. Аб затрыманні 45-гадовага жыхара Салігорска (Мінская вобласць) паведамляе Міністэрства ўнутраных спраў. Супрацоўнікі ведамства, як адзначаецца, атрымалі інфармацыю, што мужчына "можа быць датычны да распаўсюджвання забароненых рэчываў". "Пры правядзенні далейшых мерапрыемстваў звесткі пацвердзіліся", — гаворыцца ў паведамленні. Затрыманне …
