Долар, еўра і юань патаннелі на таргах 15 кастрычніка
15 кастрычніка, Позірк. Амерыканская, адзіная еўрапейская і кітайская валюты патаннелі на таргах Беларускай валютна-фондавай біржы 15 кастрычніка 2026 года.
Курс долара знізіўся да 3,0091 рубля (-0,07%; -0,0022), еўра — да 3,3715 (-0,19%; -0,0065), юаня — да 4,5018 за 10 (-0,25%; -0,0113).
Расійскі рубель падаражэў да 3,6038 рубля за 100 (+0,08%; +0,0028).
На мінулым працоўным тыдні (2–9 кастрычніка) курс долара вырас на 1,06% (з 3,0073 да 3,0392 рубля), юаня — на 1% (з 4,5082 да 4,5531 за 10), еўра — на 0,8% (з 3,3809 да 3,4081); расійскі рубель патаннеў на 0,63% (з 3,6125 да 3,5899 за 100).
На 4,33% (з 2,9027 да 3,0285 рубля) вырас афіцыйны курс долара ў Беларусі за дзевяць месяцаў 2026 года. Гэта чацвёрты паказчык на тэрыторыі былога СССР, сведчыць праведзены “Позіркам” параўнальны аналіз каціровак цэнтральных банкаў. Па выніках студзеня — жніўня Беларусь была трэцяй.
На першых пазіцыях Расія, дзе долар падаражэў на 7,93% (з 78,2267 да 84,4283 рубля), Украіна — на 5,84% (з 42,3878 да 44,8624 грыўні) і Малдова — на 5,75% (з 16,7925 да 17,7575 лея).
Менш вырасла каціроўка долара ў Латвіі, Літве і Эстоніі, якія ўваходзяць у еўразону, — на 3,48% (з 0,8511 да 0,8624 еўра), а таксама ў Кыргызстане — на 0,04% (з 87,4177 да 87,4483 сома).
У верасні долар у Беларусі патаннеў на 0,37% — гэта чацвёртае месца пасля Казахстана (-5,47%), Расіі (-1,37%) і Арменіі (-0,45%).
