У Польшчы ініцыяваныя праверкі транспартных кампаній, якія могуць мець беларускі ці расійскі капітал

16 сакавіка, BPN. У Польшчы пачаліся праверкі транспартных кампаній, якія могуць мець беларускі ці расійскі капітал, заявіў на прэс-канферэнцыі 16 сакавіка галоўны інспектар дарожнага транспарту Элвін Гаджадхур.

“Праверкі пачаліся сёння на адабраных прадпрыемствах па ўсёй краіне, — паведаміў Гаджадхур. — На першым этапе было адабрана больш за 60 кампаній, размешчаных у Беластоку, Бяла-Падлясцы, Чэнстахове, Уроцлаве і Познані”.

Акрамя інспекцыі дарожнага транспарту (ІДТ), у гэтых мерапрыемствах удзельнічаюць “іншыя службы і ўстановы: Нацыянальная падатковая адміністрацыя, Памежная ахова, Дзяржаўная інспекцыя працы і будаўнічы нагляд”.

Інспектар падкрэсліў, што “кампаніі былі выяўлены на аснове аналізу інфармацыі, сабранай у наяўных базах даных”. “Мы адабралі кампаніі, якія размешчаны па адных і тых жа адрасах… Кантроль закліканы, у прыватнасці, паказаць або выключыць вядзенне так званай віртуальнай транспартнай дзейнасці”, — зазначыў ён.

Чыноўнік дадаў, што правяраецца і “шэраг іншых аспектаў, звязаных з працай кампаній”: “Калі будуць выяўленыя якія-небудзь абуральныя парушэнні, мы можам прыпыніць або адклікаць ліцэнзію перавозчыка ў такой кампаніі”, — сказаў Гаджадхур.

Кіраўнік інспекцыі запэўніў, што “праверкі, пачатыя сёння, будуць працягнутыя”: “Мы хочам правесці іх у іншых гарадах, таму што, мяркуючы па наяўнай у нас інфармацыі аб такіх кампаніях, якія зарэгістраваны ў нашай краіне і могуць мець беларускі і расійскі капітал. Іх можа быць шмат”.