Саннікаў заклікаў прэзідэнта Швейцарыі “звярнуць асаблівую ўвагу на жахлівую сітуацыю з вялікай колькасцю палітвязняў” у Беларусі

7 жніўня, Позірк. “Звярнуць асаблівую ўвагу на жахлівую сітуацыю з вялікай колькасцю палітвязняў, якіх Лукашэнка забівае ў турмах”, заклікаў прэзідэнта Швейцарыі Алена Бярсэ былы намеснік міністра замежных спраў Беларусі (1995-96) Андрэй Саннікаў.

“Абмеркавалі сітуацыю ў Беларусі, палітыку еўрапейскіх санкцый… Абмеркавалі таксама ўплыў ваеннай агрэсіі Расіі супраць Украіны на рэгіянальную і міжнародную бяспеку”, — напісаў 7 жніўня Саннікаў на сваёй старонцы ў “Фэйсбуку”.

Сустрэча адбылася на міжнародным кінафестывалі ў Лакарна.

Швейцарскія афіцыйныя крыніцы аб перамовах Бярсэ з Саннікавым не паведамляюць.

Гл. таксама:

Ціханоўская просіць Швейцарыю садзейнічаць вызваленню беларускіх палітвязняў

Лукашэнка папракнуў Швейцарыю ў падтрымцы санкцыйнай палітыкі ЕС супраць Беларусі