Хрэнін заявіў аб высокім узроўні даверу народа да “сваёй арміі”
20 лютага, Позірк. Вынікамі ідэалагічнай працы ва Узброеных сілах з’яўляюцца “высокі ўзровень даверу беларускага народа да сваёй арміі, высокі маральны дух вайскоўцаў, забеспячэнне ўсялякай падтрымкі вайскоўцамі палітычнага курсу кіраўніцтва краіны”, гаворыцца ў віншаванні міністра абароны Віктара Хрэніна з Днём органаў ідэалагічнай працы ВС (20 лютага), распаўсюджаным прэс-службай ведамства.
На думку міністра, “актыўны пошук і ўкараненне ў практычную дзейнасць новых форм і спосабаў уздзеяння на асабовы склад і насельніцтва” забяспечвае “высокі ўзровень маральна-псіхалагічнага стану ваеннаслужачых, згуртаванне воінскіх калектываў і эфектыўны ўплыў на інфармацыйную абстаноўку”.
24 лютага 2022 года Расія пачала поўнамаштабную вайну супраць Украіны, у якой улады ў Мінску падтрымліваюць Крэмль.
