СК пачаў спецыяльную вытворчасць у адносінах да дзевяці чалавек

23 лютага, Позірк. Следчы камітэт паведаміў аб пачатку спецыяльнай вытворчасці ў адносінах да дзевяці чалавек. Усе яны абвінавачваюцца паводле ч. 1 арт. 342 Крымінальнага кодэкса (арганізацыя і падрыхтоўка дзеянняў, якія груба парушаюць грамадскі парадак, або актыўны ўдзел у іх).

Гэта Яўген Пруднікаў, Вольга Пруднікава, Людміла Арастовіч, Анатоль Астроўскі, Аляксандр Цярлюк, Ірына Сталака, Генадзь Гутар, Віктар Пузан, Віталь Пахомчык (яго таксама ставіцца ў віну арт. 369 — абраза прадстаўніка ўлады).

Спецыяльная вытворчасць — вытворчасць па крымінальнай справе ў дачыненні да абвінавачанага, які знаходзіцца па-за межамі Беларусі і ўхіляецца ад яўкі ў орган, які вядзе крымінальны працэс. Магчыма паводле 34 складаў злачынстваў, якія пераважна адносяцца да катэгорыі цяжкіх і асабліва цяжкіх. Сярод іншага гэта акт тэрарызму, генацыд, наёмніцтва, здрада дзяржаве, дыверсія, стварэнне экстрэмісцкага фарміравання або ўдзел у ім, масавыя беспарадкі, заклікі да санкцый і інш.

У Беларусі спецвытворчасць вялася ці вядзецца ў адносінах да 67 чалавек.