У 2023 годзе ў Польшчы ў грамадзянак Беларусі нарадзілася на 4,6% дзяцей больш, чым год таму

26 лютага, Позірк. У 2023 годзе ў Польшчы грамадзянкі Беларусі нарадзілі 775 дзяцей — на 4,59% больш, чым у 2022-м (741).

Паводле дадзеных PESEL (Усеагульнай электроннай сістэмы ўліку насельніцтва), на якія спасылаецца тэлеграм-канал “Беларусы вПольше”, у студзені ў грамадзянак краіны нарадзілася 59 дзяцей, лютым — 54, сакавіку — 53, красавіку — 46, траўні — 75, чэрвені — 63, ліпені і жніўні — па 75, верасні — 62, кастрычніку — 73, лістападзе — 78, снежні — 62.

Сістэма не ўключае дзяцей, якія нарадзіліся ў беларусак з польскім грамадзянствам, або калі адзін з бацькоў мае іншае грамадзянства з якім уносяць у базу PESEL.

На 31 снежня 2023 года ў Польшчы пражывала 118.562 грамадзян Беларусі, якія маюць сапраўдны дакумент, выдадзены ў Польшчы, які дае права на знаходжанне на тэрыторыі краіны, паведамляў Цэнтр беларускай салідарнасці са спасылкай на дадзеныя Упраўлення па справах замежнікаў Польшчы.