Алейнік абмеркаваў у Манголіі пастаўкі пажарнай тэхнікі

16 сакавіка, Позірк. Пастаўкі пажарнай аварыйна-выратавальнай тэхнікі беларускай вытворчасці абмеркаваны 16 сакавіка на сустрэчы міністра замежных спраў Сяргея Алейніка сустрэўся з кіраўніком Дзяржаўнага агенцтва па надзвычайных сітуацыях Манголіі Гамбаджавін Арыунбуянам.

“На прыкладзе адной з пажарных часцей г. Улан-Батар дэлегацыі была прадэманстравана работа беларускай пажарнай тэхнікі, якая нясе службу ў мангольскіх падраздзяленнях па барацьбе з надзвычайнымі сітуацыямі”, — паведамляе прэс-служба МЗС Беларусі.

Паводле інфармацыі мангольскага боку, дзякуючы працы беларускай тэхнікі ўжо выратавана больш за 1,3 тыс. чалавек і папярэджаны маёмасны ўрон на суму больш за 20 млн. долараў, гаворыцца ў рэлізе.

Бакі падкрэслілі “пазітыўны вопыт супрацоўніцтва”, абмеркавалі новыя праекты і “дамовіліся працягваць узаемадзеянне”.

Мангольскі бок пацвердзіў зацікаўленасць у набыцці тэхнікі вытворчасці ТАА “ПАЖСНАБ” на шасі ААТ “МАЗ”, іншага абсталявання і спецадзення.

“Праяўлена цікавасць да працягу праграм навучання мангольскіх спецыялістаў на базе профільных беларускіх устаноў. У мэтах абмеркавання канкрэтных праектаў і магчымасцей далейшага ўзаемадзеяння беларуская дэлегацыя правяла перамовы на шэрагу вытворчых аб’ектаў”, — гаворыцца ў рэлізе.

Алейнік наведвае краіну 15-16 сакавіка.

Гл. таксама:

Алейнік анансаваў падпісанне “комплекснай дарожнай карты” супрацоўніцтва з Манголіяй

Лукашэнка наведае Манголію, дзе ў ім бачаць “адважнага лідэра” — МЗС