Мінфін павысіў цэны на скупку ў грамадзян каштоўных металаў
11 красавіка, Позірк. Цэны на каштоўныя металы ў вырабах і ломе, якія скупляюцца ў фізічных асоб, павышаныя ў Беларусі з 12 красавіка, вынікае з пастановы Міністэрства фінансаў № 22 ад 3 красавіка.
Згодна з дакументам, цана на гэты від золата вырасла на 10,5%: 375-й пробы — да 78,65 рубля за 1 грам (да гэтага — 71,2), 500-й — да 104,86 (94,93), 583-й і 585-й — да 122,69 (111,07), 750-й — да 157,29 (142,4), 900-й — да 188,75 (170,87), 916-ы — да 192,1 (173,91), 950-ы — да 199,23 (180,37), 958-ы — да 200,91 (181,89).
Кошт плаціны 950-й пробы вырас на 0,05% і склаў 82,5 рубля за 1 г (82,46); срэбра 750-й — 1,79 (1,66; +7,8%), 800-й — 1,9 (1,77; +7,3%), 875-й — 2,08 (1,93; +7,8%), 916-й — 2,18 (2,02; +7,9%), 925-й — 2,2 (2,04; +7,8%), 960-й — 2,28 (2,12; +7,5%).
У Мінфіне падкрэслілі, што новыя цэны не датычацца куплі-продажу каштоўных металаў у выглядзе мерных зліткаў і манет.
Золатавалютныя рэзервы Беларусі за месяц павялічыліся на 1,6%
5 красавіка, Позірк. Міжнародныя рэзервовыя актывы Беларусі (ЗВР) на 1 красавіка паводле папярэдніх звестак склалі 8 млрд 352,5 млн долараў, павялічыўшыся за месяц на 133,9 млн долараў (1,6%), вынікае са звестак Нацыянальнага банка. ЗВР у манетарным золаце павялічыліся на 291 …