Пуцін прапанаваў Беларусі далучыцца да стварэння касмічнай станцыі, сцвярджае Лукашэнка
29 траўня, Позірк. У Беларусі і Расіі ёсць дамоўленасці “па далейшым сумесным удзеле ў асваенні космасу”, заявіў Аляксандр Лукашэнка 29 траўня падчас наведвання аршанскага завода “Легмаш” (Віцебская вобласць).
Паводле яго слоў, якія перадае прэс-служба, расійскі бок “можа ўключыць прадстаўнікоў Беларусі ў лік касманаўтаў, якія будуць праходзіць ужо не паскораную падрыхтоўку, а пастаянную з доўгатэрміновымі задачамі і праграмай”.
“Мы з [прэзідэнтам РФ Уладзімірам] Пуціным дамовіліся. Калі ласка, ён кажа, у лік касманаўтаў мы гатовыя ўключыць, — сказаў Лукашэнка. — Калі хтосьці хоча — калі ласка. Мы дамовіліся з расіянамі — па конкурсе. Пройдзеце конкурс — будзеце ў групе касманаўтаў рыхтавацца. Гэта цяжкая праца, з вялікай рызыкай. Але, вядома, папулярная”.
Гаворачы аб планах РФ пабудаваць сваю арбітальную станцыю, ён адзначыў: “Расіяне пачынаюць будаваць, мне Пуцін пра гэта сказаў, сваю касмічную станцыю. Цяпер яна міжнародная, куды ляцела наша касманаўт. А яны будуць будаваць сваю. Прэзідэнт Расіі сказаў: калі хочаш, далучайся, будзем разам рабіць. Наколькі гэта магчыма. Падумаць. Калі нашы разумныя людзі вырашацца на гэта, будзем удзельнічаць. Але і гэта для нас не галоўнае. Нам трэба свой сектар захаваць”.
Паводле сцвярджэння Лукашэнкі, “яшчэ з савецкіх часоў” Беларусь мае “сваю нішу ў касмічнай галіне”.
“Мы вырабляем шмат для космасу, асабліва цяпер, — удакладніў ён. — Пачынаючы ад мікраэлектронікі, чыпаў, дапамагаючы нашай касманаўтыцы, якая засталася ў Расіі. У савецкія часы мы многае рабілі, пачынаючы ад прыбораў да ашалёўкі касмічных лятальных апаратаў. Мы рабілі і робім добрыя касмічныя спадарожнікі дыстанцыйнага зандзіравання Зямлі, спадарожнікі сувязі можам рабіць і гэтак далей. Гэта наша ніша. Мы ў гэтым кірунку працуем і будзем працаваць”.
11 красавіка Лукашэнка прысвоіў званне “Герой Беларусі” Марыне Васілеўскай, якая пабывала ў космасе ў складзе сфармаванага РФ экіпажа і ў рамках расійскай праграмы.
Васілеўская адправілася на Міжнародную касмічную станцыю 23 сакавіка — разам з камандзірам экіпажа Алегам Навіцкім (РФ, ураджэнец Беларусі) і астранаўткай НАСА Трэйсі Дайсан (ЗША).
Беларуска і Навіцкі прабылі на арбіце 14 сутак (з іх 12 на Міжнароднай касмічнай станцыі) і вярнуліся на зямлю 6 красавіка.
Бортправадніца авіякампаніі “Белавія” Васілеўская была прызначаная членам экспедыцыі наведвання касмічнай станцыі 29 траўня 2023 года. Яе дублёрам стала дзіцячы хірург Анастасія Лянкова. Усяго ад Беларусі на палёт у космас прэтэндавала шэсць жанчын.
Беларусь не будзе лішняй у касмічнай праграме Расіі — Лукашэнка
12 красавіка, Позірк. Беларусь і Расія будуць разам асвойваць космас, заявіў Аляксандр Лукашэнка, адказваючы 12 красавіка ў Маскве на пытанні журналістаў. "Мы будзем не лішнімі ў праграме касмічнай імперыі Расіі, — цытуе Лукашэнку яго прэс-служба. — Мы вельмі задаволеныя, што …