4 чэрвеня, Позірк. Вярхоўны суд 7 чэрвеня разгледзіць апеляцыйную скаргу на вырак журналісту Ігару Карнею, вынікае з раскладу на партале электроннага судаводства.
Суддзя Аляксандр Саўчук пачне працэс у 10:30.
22 сакавіка Мінскі гарадскі суд прыгаварыў Карнея да 3 гадоў пазбаўлення волі. Суддзя Сяргей Кацар прызнаў яго вінаватым паводле ч. 3 арт. 3611 КК (стварэнне экстрэмісцкага фарміравання або ўдзел у ім).
Карнея затрымалі 17 ліпеня 2023 года, у яго доме прайшоў вобшук. Журналіста арыштавалі на 10 сутак нібыта за падпіску на “экстрэмісцкія” рэсурсы, але праз узбуджэнне крымінальнай справы на волю ён не выйшаў. Судовае разбіральніцтва пачалося 19 сакавіка.
Доўгі час Карней супрацоўнічаў з незалежнымі медыя.
25 сакавіка беларускія праваабарончыя арганізацыі прызналі Ігара Карнея палітычным вязнем.
Паводле даных БАЖ, у Беларусі 35 супрацоўнікаў СМІ знаходзяцца ў месцах пазбаўлення свабоды.
