4 ліпеня, Позірк. Усіх “сяброў у ЗША” і асабіста прэзідэнта Джо Байдэна павіншавала з Днём незалежнасці 4 ліпеня дэмакратычны лідар Святлана Ціханоўская.
“Сёння мы святкуем 4 ліпеня разам з вамі, аб’яднаўшыся ў нашых агульных каштоўнасцях свабоды і дэмакратыі”, — напісала дэмлідар у сацсетцы Х.
Палітык таксама падзякавала ЗША за падтрымку беларусаў “у іх барацьбе за вызваленне нашай краіны ад тыраніі і абарону нашага суверэнітэту”.
Аляксандр Лукашэнка ў віншаванні з Днём Незалежнасці народу Злучаных Штатаў Амерыкі прапанаваў, нягледзячы на ”палітычныя стэрэатыпы”, “зазірнуць за гарызонт і скласці сваё асабістае ўражанне аб Беларусі, ацаніць яе дасягненні”.
У чэрвені дэмлідар шосты раз наведала ЗША.
28 ліпеня 2021 года прэзідэнт Джо Байдэн і Ціханоўская правялі перамовы ў Вашынгтоне.
У верасні 2022 года дэмлідар выступіла на мерапрыемствах Генасамблеі ААН.
У сакавіку 2023 года беларускі дэмакратычны лідар наведала Злучаныя Штаты на запрашэнне Кангрэса.
12 ліпеня мінулага года Ціханоўская сустрэлася з Байдэнам у Вільнюсе.
