У Беларусі спыніў вяшчанне канал TLC

4 ліпеня, Позірк. З 1 ліпеня на тэрыторыі Беларусі спынена вяшчанне тэлеканала TLC, паведаміў Белтэлекам.

Адзначаецца, што прычынай стала заканчэнне тэрміну дзеяння адпаведнага дазволу.

TLC — забаўляльны тэлеканал, арыентаваны ў першую чаргу на жаночую і маладзёжную аўдыторыі. Паказвае праграмы пра сям’ю, стасункі, моду, прыгажосць, вандроўкі і інш.

У Беларусі вяшчанне TLC ажыццяўлялася ў дадатковым пакеце Discovery ZALA IPTV.

З сакавіка 2022 года TLC не транслюецца ў Расіі.

У чэрвені на тэрыторыі Беларусі спынілі вяшчанне тэлеканалы CANDY, “Фенікс плюс кіно”, “2 х 2”, “Сядзіба-ТБ” і RTG TV. Замест іх беларускім гледачам прапанавалі канал Erox.