У аперацыі “Бяспечнае Падляшша” на мяжы з Беларуссю возьмуць удзел 17 тыс. польскіх вайскоўцаў
17 ліпеня, Позірк. 1 жніўня польская армія пачынае аперацыю “Бяспечнае Падляшша”, у рамках якой воінскія падраздзяленні будуць несці службу на мяжы з Беларуссю згодна з новымі правіламі.
Пра гэта, паводле інфармацыі Польскага радыё, паведаміў 17 ліпеня віцэ-прэм’ер — міністр нацыянальнай абароны Уладзіслаў Касіняк-Камыш. Паводле яго слоў, у аперацыі возьмуць удзел да 17 тыс. вайскоўцаў, з іх 8 тыс. будуць знаходзіцца непасрэдна ля мяжы, астатнія — у стратэгічным рэзерве. Першай на дзяжурства прыступіць 18-я механізаваная дывізія, якая атрымала назву “Жалезная дывізія”. Як адзначыў міністр, цяпер ля мяжы з Беларуссю сканцэнтравана каля 6 тыс. вайскоўцаў.
Віцэ-прэм’ер адзначыў, што пасля стварэння 13 чэрвеня буфернай зоны колькасць спробаў незаконнага перасячэння беларуска-польскай мяжы скарацілася ўдвая.
Міністр унутраных спраў і адміністрацыі Польшчы Томаш Семоняк у сваю чаргу адзначыў, што ўзначаленае ім ведамства разам з МЗС пастаянна аказвае палітычны ціск на Беларусь, каб яна спыніла практыку заахвочвання незаконнага перасячэння мяжы.
Ён пацвердзіў, што Польшча патрабуе супрацоўніцтва Беларусі ў пошуку забойцы польскага жаўнера, які атрымаў смяротнае нажавое раненне на мяжы. “Службы не супакояцца, пакуль гэты чалавек не будзе знойдзены і не прыцягнуты да адказнасці за зробленае”, — заявіў Семоняк.
9 ліпеня паведамлялася, што Польшча плануе звярнуцца да саюзнікаў па НАТО па дапамогу ў ахове мяжы з Беларуссю. Удакладнялася, што ў першую чаргу гаворка ідзе пра Італію, Гішпанію і Грэцыю, якія маюць “багаты досвед барацьбы з нелегальнай міграцыяй”.
3 ліпеня міністр замежных спраў Польшчы Радаслаў Сікорскі заявіў, што Беларусь “дасылае сотні мігрантаў з расійскімі візамі”, фактычна ўручную кантралюючы колькасць тых, хто спрабуе перайсці мяжу нелегальна.
Бываюць месяцы, “калі колькасць мігрантаў раўняецца нулю”, а бывае, што мяжу спрабуе перайсці “300-400 чалавек у дзень”, сказаў ён.
Толькі ад Мінска залежыць, якімі будуць яго добрасуседскія адносіны з Польшчай, падкрэсліў Сікорскі ў кантэксце магчымага закрыцця Варшавай мяжы з Беларуссю. “Нашы базавыя патрабаванні — каб на волю выйшаў [журналіст-палітвязень] Анджэй Пачобут і спынілася сілавая перакідка мігрантаў”, — дадаў міністр.
2 ліпеня Аляксандр Лукашэнка, выступаючы на ўрачыстым сходзе, прысвечаным Дню незалежнасці, у чарговы раз заявіў, што нелегальныя мігранты ідуць у Еўрасаюз, таму што іх туды “паклікалі”, у Беларусі іх “лавіць не будуць”.
6 чэрвеня стала вядома пра смерць польскага вайскоўца 1-й танкавай брыгады Матэвуша Сітэка, параненага нажом 28 траўня на мяжы з Беларуссю. Паводле інфармацыі Памежнай аховы Польшчы, вайсковец зазнаў напад мігранта, які ў складзе вялікай групы спрабаваў незаконна перасекчы мяжу з боку Беларусі.
13 чэрвеня на польска-беларускай мяжы пачала дзейнічаць буферная зона, пакуль тэрмін вызначаны ў 90 дзён.
З вясны 2021 года на мяжы Беларусі і Еўрасаюза працягваецца міграцыйны крызіс, які ўлады Польшчы і краін Балтыі называюць “гібрыднай атакай”, арганізаванай рэжымамі ў Мінску і Маскве.
- Палітыка
Рыжанкоў у Нью-Ёрку абмеркаваў узаемадзеянне з Чырвоным Крыжом, міратворчасць — са Святым Пасадам
ААН трэба больш глыбока ўмяшацца ў праблему палітвязняў у Беларусі — Ціханоўская
- ПалітыкаРыжанкоў абраў самы лагічны момант для звароту да Літвы — ШрайбманМатэрыял даступны толькі падпісчыкам ПОЗІРК+
- Палітыка, Эканоміка
Улады анэксаванага Крыма хочуць пашырыць транспартныя зносіны з Беларуссю
- Палітыка
Літва шмат гадоў "сутыкаецца са страшнай пагрозай" з боку РФ і Беларусі — міністр абароны ФРГ
- Грамадства
Пасля праверак не аднавіла дзейнасць траціна прыватных пансіянатаў — Мінпрацы
- Палітыка
Затрыманы па справе аб нападзе на расійскага апазіцыянера Волкава беларус падазраецца паводле двух артыкулаў КК Польшчы
- Палітыка
Ціск на мяжы з Беларуссю ўзмацняецца — міністр абароны Польшчы
- Палітыка
Міжнародная федэрацыя барацьбы змякчыла патрабаванні для беларускіх спартсменаў
- Палітыка
Спікер Сейма Літвы: Мы падтрымліваем беларускую апазіцыю
- Палітыка, Эканоміка
Неўзабаве згадка імя Каліноўскага будзе карацца рэжымам Лукашэнкі — украінскі дыпламат
- Палітыка
Паводле сцвярджэння Лукашэнкі, Захад патрабуе ад беларускіх мігрантаў уварвацца ў Беларусь
- Палітыка
Узгоднена прызначэнне шасці намеснікаў міністраў і звыш дзесятка кіраўнікоў раённага ўзроўню
- Эканоміка
Долар, еўра і юань патаннелі на біржавых таргах 26 верасня
- Палітыка, Эканоміка
Улады Беларусі загаварылі пра жаданне аднавіць супрацу з Літвой
- ГрамадстваУ Езярышчы на крайняй поўначы Беларусі другі дзень запар рэкорднае цяплоМатэрыял даступны толькі падпісчыкам ПОЗІРК+
- Эканоміка
Колькасць спраў аб банкруцтве ў гадавым вымярэнні зменшылася амаль удвая
- Грамадства
У Беларусь з Польшчы спрабавалі завезці 19 пітонаў, рэптылій канфіскавалі і перадалі Мінскаму заапарку
- Грамадства, Эканоміка
За месяц колькасць работнікаў у Беларусі вырасла, але ўзроўню пачатку года не дасягнула
- Палітыка
Беларусь павінна стаць донарам міру і стабільнасці — Ціханоўская
- Эканоміка
ЕБРР палепшыў прагноз па росце эканомікі Беларусі да 4,2% па выніках 2024 года
- Грамадства, Палітыка
Адмыслоўцы з Беларусі і РФ абменьваюцца досведам у сферы вайсковай медыцыны
- Грамадства
У Оршы затрыманы расіянін, які знаходзіўся ў міждзяржаўным вышуку
- Палітыка
Мытня Беларусі абвінаваціла Літву ў "грэблівым стаўленні да людзей"
- Палітыка
Рыжанкоў скіроўваецца ў Нью-Ёрк збіраць аднадумцаў і скардзіцца на санкцыі
- Грамадства
МНС папярэдзіў пра моцны вецер на большай частцы Беларусі 26 верасня
- ПалітыкаХроніка палітычных рэпрэсій за 25 верасня 2024 годаМатэрыял даступны толькі падпісчыкам ПОЗІРК+
- Палітыка
Полк Каліноўскага заявіў, што прызнае рэжым Лукашэнкі "тэрарыстычнай арганізацыяй"
- Грамадства, ПалітыкаКоўшык назвала Бяляцкага "іконай праваабарончага руху"Матэрыял даступны толькі падпісчыкам ПОЗІРК+
- Палітыка
Пуцін прыгразіў прымяненнем ядзернай зброі ў выпадку агрэсіі супраць Беларусі