Пракуратура раскрытыкавала арганізацыю патрыятычнага выхавання дзяцей, назваўшы яе аслабленай
6 жніўня, Позірк. Пяць службовых асоб прыцягнута да дысцыплінарнай адказнасці ў Віцебскай вобласці за тое, што ў рэгіёне “праца па грамадзянскім і ваенна-патрыятычным выхаванні непаўналетніх арганізавана не ў дастатковай ступені”, паведамляе прэс-служба Генеральнай пракуратуры.
Абласная пракуратура правяла праверку арганізацыі працэсу ва ўстановах агульнай сярэдняй адукацыі, паколькі “выхаванне навучэнцаў у гэтым напрамку непарыўна звязана з узроўнем крыміналізацыі ў маладзёжным асяроддзі”.
Адзначаецца, што пры агульным зніжэнні — з 70 да 63 — колькасці злачынстваў, учыненых непаўналетнімі ў рэгіёне, з 9 да 20 павялічылася колькасць асабліва цяжкіх і цяжкіх злачынстваў (перыяд не ўдакладняецца). З 3 да 8 узрасла колькасць злачынстваў у сферы незаконнага абароту наркатычных сродкаў.
“Выяўлены факты фармальнага падыходу кіраўнікоў да планавання на навучальны год мерапрыемстваў, накіраваных на фарміраванне ў вучняў патрыятычнага настрою, пры гэтым запланаваныя мерапрыемствы не выконваюцца”, — гаворыцца ў рэлізе.
У мерапрыемствах “часта ўдзельнічаюць адны і тыя ж навучэнцы”, у іх “не заўсёды залучаюцца” супрацоўнікі органаў па надзвычайных сітуацыях, унутраных спраў і Узброеных сіл, а таксама “ветэраны баявых дзеянняў і прадстаўнікі грамадскіх аб’яднанняў”.
“Аслаблены кантроль за дзейнасцю кіраўнікоў па ваенна-патрыятычным выхаванні і з боку кіраўніцтва ўстаноў адукацыі, а таксама аддзелаў па адукацыі гаррайвыканкамаў”, — наракае пракуратура.
З правераных 117 устаноў агульнай сярэдняй адукацыі вобласці ў 63 (53,8%) выяўлены парушэнні, што сведчыць аб “наяўнасці аслабленай работы ўстаноў адукацыі па ідэалагічным і ваенна-патрыятычным выхаванні”.
Старшыні Віцебскага гарвыканкама ўнесена прадстаўленне аб устараненні выяўленых парушэнняў.
Ідэалагічны складнік у адукацыі і актывізацыя “патрыятычнага выхавання” ў дусе лаяльнасці да дзейнай улады і Расіі ўзмацніліся пасля прэзідэнцкіх выбараў 2020 года і масавых пратэстаў пасля іх.
Улады ствараюць Рэспубліканскі цэнтр патрыятычнага выхавання на базе Брэсцкай крэпасці. Паводле інфармацыі на сайце Міністэрства абароны, на яго будаўніцтва сродкі збіраюцца праз ахвяраванні.
Праца па “патрыятычным, грамадзянскім выхаванні” ў Беларусі “сёння пачынаецца ў дзіцячым садку”, заявіў 16 чэрвеня міністр адукацыі Андрэй Іванец.
У патрыятычнае выхаванне ўцягнута “ўсё насельніцтва”, сцвярджаў у снежні 2023 года памочнік міністра абароны па ідэалагічнай працы ва Узброеных сілах — начальнік галоўнага ўпраўлення ідэалагічнай працы Леанід Касінскі (знаходзіцца пад санкцыямі Еўрасаюза). Паводле яго слоў, у 42 створаных у беларускім войску ваенна-патрыятычных клубах займаецца “больш за паўтары тысячы дзетак”.
- Грамадства
Мінулым днём на беларускіх метэастанцыях перапісана дзевяць рэкордаў цяпла 60-гадовай даўніны
- ГрамадстваМінулым днём на беларускіх метэастанцыях перапісана дзевяць рэкордаў цяпла 60-гадовай даўніны (падрабязна)Матэрыял даступны толькі падпісчыкам ПОЗІРК+
- Палітыка
Латвія звярнулася да ўладаў Беларусі з нагоды знікнення свайго грамадзяніна
- Палітыка
Названыя прозвішчы 27 палітвязняў, памілаваных 16 верасня
- Палітыка, Эканоміка
Суд ЕС адмовіўся здымаць санкцыі з "Беларуськалія", яго гендырэктара Галаватага і БКК
- Палітыка
Мінабароны незадаволенае тым, што Беларусь не запрашаюць назіраць за заходнімі вучэннямі
- ПалітыкаЗмітра Дашкевіча пачалі судзіць па новым абвінавачванні ў "злосным непадпарадкаванні" адміністрацыі калонііМатэрыял даступны толькі падпісчыкам ПОЗІРК+
- ГрамадстваУлады маюць намер ліквідаваць аб'яднанні "Бізнес-ініцыятыва" і "Дзеці ХХІ стагоддзя"Матэрыял даступны толькі падпісчыкам ПОЗІРК+
- Палітыка
Праваабаронцы: Па справе праекту "Адукаванка" праходзяць затрыманні і выклікі ў КДБ настаўнікаў з усёй Беларусі
- Палітыка
НАТО рыхтуецца да канфлікту супраць "нашых дзяржаў", сцвярджае камандуючы ВПС і войскамі СПА Беларусі
- Грамадства
У Гомельскай вобласці 19 верасня будуць гучаць сірэны
- Эканоміка
Долар, еўра і юань падаражэлі на таргах БВФБ 18 верасня
- Палітыка, ЭканомікаДМК заявіў пра рост паступлення мытных плацяжоў без пазначэння аб'ёму — праз службовую таямніцуМатэрыял даступны толькі падпісчыкам ПОЗІРК+
- Грамадства, Эканоміка
Паводле ўзроўню заробку ў сферы медыцыны Беларусь на перадапошнім месцы ў ЕАЭС
- Грамадства, ЭканомікаПаводле ўзроўню заробку ў сферы медыцыны Беларусь на перадапошнім месцы ў ЕАЭС (падрабязна)Матэрыял даступны толькі падпісчыкам ПОЗІРК+
- Палітыка
АДКБ стварае пагрозы бяспецы і існаванню Арменіі, заявіў Пашынян
- Грамадства, Палітыка
Фонд Belarus Women’s Foundation прызнаны "экстрэмісцкім фарміраваннем" — праваабаронцы
- Грамадства
У лістападаўскім здарэнні з пяццю пацярпелымі на "Беларуськаліі" СК абвінаваціў дзяжурнага майстра
- Грамадства, Палітыка
Вярхоўны суд пакінуў у сіле завочны прыгавор праваабаронцу Судаленку
- Палітыка
На волю выйшаў экс-журналіст Андрэй Толчын
- Эканоміка
Мінск і Масква маюць намер у 2025 годзе вызначыцца з далейшай цаной на расійскі газ для Беларусі
- Грамадства, ПалітыкаХроніка палітычных рэпрэсій за 17 верасня 2024 годаМатэрыял даступны толькі падпісчыкам ПОЗІРК+
- Палітыка
Сталі вядомыя прозвішчы яшчэ 11 палітвязняў, вызваленых па памілаванні
- Палітыка
АПК абмеркаваў падрыхтоўку да другога раўнда стратэгічнага дыялогу з ЗША
- Грамадства, Палітыка
"Экстрэмісцкім фарміраваннем" прызнаны адукацыйны праект "Адукаванка"
- Грамадства, Палітыка
Лукашэнка забараніў фізічным асобам і ІП гандляваць крыптавалютай па-за беларускімі біржамі
- Грамадства, Палітыка
Латушка звярнуўся да МЗС Польшчы з просьбай аб дапамозе беларусам, якія пацярпелі ад паводкі
- Палітыка
Лукашэнка заявіў пра немагчымасць паўтарэння 2020 года, бо ўлады "ўмеюць здабываць урокі з мінулага"
- Палітыка
Лукашэнка прызнаў, што расійскія беспілотнікі залятаюць у Беларусь
- Грамадства, Эканоміка
З 20 верасня вырастуць тарыфы на праезд па платных дарогах