Галоўчанка анансаваў лічбавізацыю працэсаў арэнды жылля і атрымання правоў кіроўцы
5 чэрвеня, Позірк. Больш за 400 працэдур плануецца перавесці ў Беларусі ў анлайн-фармат, паведаміў 5 чэрвеня на адкрыцці выставы ТІБО ў Мінску прэм’ер-міністр Раман Галоўчанка.
Паводле яго слоў, у “лічбу” сярод іншага будуць пераведзеныя працэсы атрымання пасведчання кіроўцы, рэгістрацыі аўтамабільнага транспарту, найму жылля.
На адзінай лічбавай платформе, сказаў Галоўчанка, будуць аб’яднаныя лагістычныя сервісы, што забяспечыць “прасочвальнасць тавараў”.
У “гандлёва-кааперацыйнае ўзаемадзеянне”, дадаў прэм’ер, плануецца ўкараніць электронны дакументаабарот. “Гэта дазволіць персаналізаваць продажы, інтэграваць даныя аб кліентах, кіраваць цэнамі і прадказваць спажывецкі попыт”, — сцвярджае кіраўнік урада.
На першым этапе, паводле яго слоў, у 17 гарадах створаць платформу “Разумны горад”, накіраваную “на прадастаўленне шырокага набору лічбавых сервісаў для забеспячэння камфортнага асяроддзя пражывання насельніцтва”.
Далей, заявіў Галоўчанка, будзе ажыццёўлены “пераход ад электроннага ўрада да электроннай дзяржавы”, што забяспечыць “электронным суправаджэннем” як грамадзян, так і бізнес. “Напрыклад, пры нараджэнні дзіцяці мэтазгодна ў анлайн-рэжыме адразу аказваць комплекс звязаных паслуг ад выдачы пасведчання аб нараджэнні да прадастаўлення сацыяльнай дапамогі і рэзервавання месца на будучыню ў дзіцячай дашкольнай установе”, — удакладніў прэм’ер-міністр.
Асновай для навацый стане будаўніцтва сетак 5G “на прынцыпова новай архітэктуры бесправаднога шырокапалоснага доступу”, гэта “дазволіць укараніць найноўшыя сусветныя тэхналогіі ў розных галінах эканомікі і сацыяльнай сферы”, сказаў кіраўнік урада.
Паводле яго слоў, у Беларусі ўжо створаная лічбавая сістэма кантролю цэн у будаўніцтве і ў цэлым імпартных тавараў: “Створаныя сістэмы дазваляюць ацэньваць усе стадыі росту цаны на тавар, прадказваць сезонныя ваганні, узнікненне лішку альбо недахопу пэўных тавараў і з’яўляюцца незаменным інструментам у працэсе рэгулявання надзённых пытанняў цэнаўтварэння. Значны прагрэс мы дасягнулі ў сферы электроннага ўрада”.
Галоўчанка адзначыў, што з 2014 года выдадзена амаль 2 млн сродкаў электроннага лічбавага подпісу для юрыдычных і фізічных асоб. Штомесяц ажыццяўляецца больш за 10 млн транзакцый па аказанні 233 электронных паслуг і 330 відаў адміністрацыйных працэдур. Да сістэмы электроннага дакументазвароту падключана каля 17 тыс. арганізацый. Штомесяц па гэтым канале перадаецца каля 1 млн дакументаў.
У рамках дзяржпраграмы “Лічбавае развіццё Беларусі” ўкаранёныя адзіная сістэма ўліку і апрацоўкі зваротаў грамадзян і юрыдычных асоб, адзіны рэестр ліцэнзій, інфармацыйная сістэма “Вітрына лічбавых праектаў” і іншыя рашэнні, падкрэсліў прэм’ер.
Паводле яго пераканання, фінансава-крэдытны сектар Беларусі з’яўляецца “прасунутым” у частцы развіцця паслуг ІТ, банкі прадастаўляюць бескантактавы доступ і аказваюць шэраг паслуг анлайн.
Лічбавізацыя з’яўляецца адным з найважнейшых элементаў дэбюракратызацыі работы дзяржаўнага апарату, падкрэсліў Галоўчанка.
Пры гэтым ён канстатаваў, што на гэтым шляху адбываецца “кардынальнае зніжэнне залежнасці ад замежнага праграмнага забеспячэння, стымуляванне ўкаранення рашэнняў айчынных распрацоўшчыкаў і выкарыстанне праграмнага забеспячэння дружалюбных краін”.
Беларусь "паслядоўна рухаецца" да ўкаранення тэхналогій электроннай дзяржавы, сцвярджае Галоўчанка (дапоўнена)
- Эканоміка
З 1995 года пагалоўе свіней у Беларусі знізілася ў 1,6 раза, кароў — у 1,5
- Грамадства, Палітыка
Ціханоўская аб палітвязнях: Рэжым спрабуе стварыць ілюзію, нібыта вызваляе "злачынцаў"
- ГрамадстваУ Мінску тры дні назіраецца рэкордная тэмператураМатэрыял даступны толькі падпісчыкам ПОЗІРК+
- Грамадства, Палітыка
Памілавана яшчэ 37 асуджаных за пратэсты
- Палітыка
Беларусы ў Грузіі арганізавалі пікет ля будынка ўрада ў сувязі з дэпартацыяй Андрэя Мялешкі
- Грамадства
Разам з журналістам Мялешкам з Грузіі дэпартуюць яго непаўналетнюю дачку — БАЖ
- Палітыка
Вячорка: Ведаем пра сітуацыю з Мялешкам, але ў нас пакуль не атрымалася збудаваць адносіны з урадам Грузіі
- Грамадства
У аўтамабільнай аварыі ў Ляхавіцкім раёне загінула два чалавекі, адзін цяжка траўмаваны
- Грамадства, Палітыка
За 8 месяцаў мытнікі вынялі на мяжы каля 2,5 тыс. адзінак халоднай зброі — ДМК
- Эканоміка
Долар і еўра падаражэлі на таргах БВФБ 16 верасня
- Палітыка
Латушка: Пазіцыі АПК і Літвы ў галоўных пытаннях палітыкі ў дачыненні да Лукашэнкі супадаюць
- Грамадства, Палітыка
Больш за 5 тыс. жыхароў краін Еўропы наведала Беларусь без віз за тыдзень —Дзяржпагранкамітэт
- Эканоміка
У студзені — жніўні рознічны тавараабарот у Беларусі вырас на 12% да таго ж перыяду 2023 года
- Палітыка
Прэм'ер-міністр Славакіі віншаваў з юбілеем Лукашэнку, якога ЕС не лічыць законным прэзідэнтам
- Палітыка, Эканоміка
Лукашэнка па факце прызнаў занепакоенасць сітуацыяй з транзітам грузаў праз Беларусь
- Грамадства, Палітыка
Ціханоўская ў 25-ю гадавіну знікнення Ганчара і Красоўскага: Рэжым павінен адказаць за злачынствы
- ЭканомікаСярэднія працэнтныя стаўкі па крэдытах у Беларусі працягваюць расціМатэрыял даступны толькі падпісчыкам ПОЗІРК+
- Эканоміка
У Беларусі запаволіўся рост прамысловай вытворчасці — Белстат
- ЭканомікаБелстат: Даўгі прадпрыемстваў за год выраслі на 15%Матэрыял даступны толькі падпісчыкам ПОЗІРК+
- Грамадства, Палітыка
Беларусы Вроцлава мабілізуюцца для аказання дапамогі пацярпелым ад наступстваў паводкі
- Грамадства, Эканоміка
Рассельгаснагляд узяў пад узмоцнены кантроль прадукцыю пяці беларускіх прадпрыемстваў
- Грамадства
З красавіка ў Беларусі пацярпела не менш як 45 адзінак сельгастэхнікі
- Палітыка
Лукашэнка жадае, каб мітрапаліт Веніямін і надалей умацоўваў “духоўнае адзінства” беларусаў
- ПалітыкаЦіханоўская ўздыме перад ПА НАТО пытанне прыцягнення рэжыму Лукашэнкі да адказнасціМатэрыял даступны толькі падпісчыкам ПОЗІРК+
- Эканоміка
Да канца года ЕАБР чакае ў Беларусі інфляцыю "блізкай да цяперашніх значэнняў"
- ПалітыкаЛекар Салавей: Я буду шчаслівы, калі 5% медыкаў, якія з'ехалі, вернуцца ў БеларусьМатэрыял даступны толькі падпісчыкам ПОЗІРК+
- Эканоміка
Валавы знешні доўг Беларусі за другі квартал вырас на 0,7%
- Палітыка
Беларусь і Мексіка маюць патэнцыял для палітычнай і эканамічнай супрацы, лічыць Лукашэнка
- Палітыка
Беларускаму журналісту Андрэю Мялешку забаранілі ўезд у Грузію
- Палітыка
Латушка: 90% сённяшніх чыноўнікаў змогуць застацца ў дзяржаўным апараце новай Беларусі