Долар, юань і расійскі рубель падаражэлі на біржавых таргах 27 жніўня

27 жніўня, Позірк. Амерыканская, расійская і кітайская валюты падаражэлі на таргах Беларускай валютна-фондавай біржы 27 жніўня.

Курс долара вырас да 3,2053 рубля (+0,0096, +0,3%), юаня — да 4,5006 за 10 (+0,0014, +0,03%), расійскага рубля — да 3,508 за 100 (+0,0002, +0,01%).

Таргі еўра не праводзіліся, ён застаўся на ўчорашняй пазіцыі — 3,5396 (+0,0196, +0,56%).

На мінулым працоўным тыдні (19–23 жніўня) курс долара вырас на 1,1% (з 3,1516 да 3,1862), еўра — на 1,44% (з 3,47 да 3,52), юаня — на 1,74% (з 4,4224 да 4,4992 за 10); расійскага рубля — знізіўся на 1,02% (з 3,5465 да 3,5102 за 100).

Афіцыйны курс долара ў Беларусі ў студзені знізіўся на 0,01% (з 3,1775 да 3,1771 рубля) — гэта быў шосты паказчык на тэрыторыі былога СССР; у лютым — вырас на 1,95% (да 3,2391) — другое месца пасля Расіі (+2,89%), за два месяцы — на 1,94% (шостае месца); у сакавіку — на 0,33% (да 3,2498) — пятае месца, за тры месяцы — на 2,28% (трэцяе); у красавіку — на 0,14% (да 3,2542) — шостае месца, за чатыры месяцы — на 2,41%; у траўні — знізіўся на 1,48% (да 3,2059) — трэцяе месца, за пяць месяцаў — вырас на 0,89% (восьмае). У чэрвені долар патаннеў на 1,36% (да 3,1624) — трэцяе месца, па выніках першага паўгоддзя — на 0,48% (пятае месца); у ліпені — на 0,87% (да 3,1349) — сёмае месца, за сем месяцаў — на 1,34% (пятае).

За 2023 год каціроўка долара павялічылася на 16,12% (з 2,7364 да 3,1775 рубля). Гэта другі паказчык на постсавецкай прасторы, сведчыць праведзены “Позіркам” параўнальны аналіз каціровак цэнтрабанкаў на 31 снежня 2022 года і 31 снежня 2023-га. На першым месцы Расія — 27,51% (з 70,3375 да 89,6883 рубля).