Мінабароны пацвердзіла факт знішчэння беспілотнікаў, якія заляцелі ў Беларусь у ноч на 5 верасня

5 верасня, Позірк. “Сёння ўначы, 5 верасня, быў зафіксаваны факт парушэння дзяржаўнай мяжы Рэспублікі Беларусь у паветранай прасторы, як мяркуецца, беспілотнымі лятучымі апаратамі”, — паведамляе прэс-служба Міністэрства абароны са спасылкай на начальніка галоўнага штаба — першага намесніка камандуючага ВПС і войскамі СПА Сяргея Фралова.

“Было прынятае рашэнне на іх знішчэнне. Своечасовымі дзеяннямі дзяжурных сіл па супрацьпаветранай абароне ўсе цэлі-парушальнікі былі знішчаны. Па гэтым факце праводзіцца праверка”, — заявіў военачальнік.

Раней медыя паведамілі, што над Гомелем у ноч на 5 верасня былі збітыя два беспілотнікі-камікадзэ, што належаць Расіі, якія заляцелі ў краіну з Чарнігаўскай вобласці Украіны.