У Гомельскай і Магілёўскай абласцях на 7–9 верасня абвешчана надзвычайная пажарная небяспека

7 верасня, Позірк. Надзвычайная пажарная небяспека абвешчана на большай частцы Гомельскай і Магілёўскай абласцей на 7–9 верасня, вынікае з паведамлення прэс-службы МНС.

Міністэрства папярэдзіла пра магчымасць узнікнення пажараў у прыродных экасістэмах, распаўсюду агню на населеныя пункты, лініі электраперадачы і сувязі.

Ападкаў не чакаецца, прагназуецца ўсходні і паўднёва-ўсходні вецер хуткасцю 5–10 метраў на секунду.

Дзённая тэмпература паветра ў Віцебскай вобласці — 23–27 градусаў цяпла, Магілёўскай, Мінскай і Гродзенскай — 23–28 градусаў, Гомельскай і Брэсцкай — 24–29 градусаў. У сталіцы чакаецца 24–26 градусаў цяпла.