Страхавыя кампаніі на 15% павялічылі збор узносаў — Мінфін

4 кастрычніка, Позірк. У студзені — жніўні 2024 года ўзносы страхавых арганізацый па прамым страхаванні і сустрахаванні склалі 1.691,9 млн рублёў — на 15,4% больш, чым за тыя ж месяцы 2023-га, паведамляе Міністэрства фінансаў.

Па добраахвотных відах страхавання ўзносы склалі 1.131,1 млн рублёў — на 147,2 млн больш, чым за аналагічны перыяд 2023-га.

Страхавыя ўзносы па абавязковых відах страхавання — 560,8 млн рублёў (+78,6 млн).

Удзельная вага добраахвотных відаў страхавання ў агульнай суме страхавых узносаў складае 66,9% (за студзень — жнівень 2023 года — 67,1%).

Выплаты страхавой кампенсацыі і страхавога забеспячэння склалі 956,35 млн рублёў (+94,2 млн рублёў), узровень страхавых выплат у агульнай суме узносаў — 56,5% (за студзень — жнівень 2023 года — 58,8%).

Запазычанасць па рублёвых і валютных крэдытах, выдадзеных банкамі юрыдычным асобам гэтага сектара эканомікі, на 1 верасня дасягнула 4 млрд 8,1 млн (+25,9% у гадавым вымярэнні; +17,7% з пачатку года).

Намінальная налічаная сярэдняя заработная плата ў сферы фінансаў і страхавання ў жніўні склала 3.312,7 рубля — у 1,4 разы больш, чым сярэдняя па краіне (2.341,2).