Літоўскія памежнікі перахапілі дрон з 200 пачкамі беларускіх цыгарэт

14 верасня, Позірк. Пра перахоп чарговага беспілотніка з кантрабанднымі беларускімі цыгарэтамі паведаміла 14 верасня Служба аховы дзяржаўнай мяжы пры МУС Літвы.

Дрон з грузам быў выяўлены позна ўвечары 13 верасня непадалёк ад вёскі Ута ў Шальчынінкскім раёне — памежнікі пачулі характэрны гук і выкарысталі антыдронавае абсталяванне.

Пасля ўздзеяння беспілотнік развярнуўся і паляцеў у бок мяжы. Неўзабаве ён упаў, а пасля быў знойдзены на лузе ля вёскі Версекеле — прыкладна за 500 метраў ад мяжы.

Да дрона быў прымацаваны скрутак з 200 пачкамі цыгарэт Minsk Superslims з беларускімі акцызнымі маркамі і GPS-прыладай. Кошт цыгарэт з улікам падаткаў — 1.102 еўра.

Паведамляецца, што ад пачатку года літоўскія памежнікі перахапілі 56 беспілотнікаў кантрабандыстаў. За ўвесь 2025 год было перахоплена 59 такіх дронаў, а ў 2024-м — 54.