Дэлегацыя Міністэрства грамадскай бяспекі Кітая наведае Мінск найбліжэйшым часам — МУС Беларусі
10 кастрычніка, Позірк. Візіт дэлегацыі Міністэрства грамадскай бяспекі Кітая ў Мінск запланаваны на “бліжэйшы час”, пра гэта было заяўлена 10 кастрычніка на сустрэчы кіраўніка МУС Беларусі Івана Кубракова з новым амбасадарам КНР Чжан Вэньчуанем.
Паводле слоў міністра, якія прыводзіць прэс-служба ведамства, Беларусь “высока шануе стасункі з Кітаем”, які з’яўляецца “адным з прызнаных сусветных лідараў і праводзіць збалансаваную шматвектарную палітыку”.
“Нашы народы звязваюць сяброўскія стасункі, заснаваныя на ўзаемным даверы і павазе, — сцвярджае Кубракоў. — На такіх жа прынцыпах будуюцца зносіны прадстаўнікоў Міністэрства ўнутраных спраў Беларусі і Міністэрства грамадскай бяспекі Кітая. Мы адкрытыя да ўзаемадзеяння, у тым ліку маем намер яшчэ больш актыўна абменьвацца досведам барацьбы з наркагандлем, тэрарызмам і экстрэмізмам, кіберзладзействамі і іншымі відамі транснацыянальнай арганізаванай злачыннасці”.
Чжан Вэньчуань, калі верыць прэс-службе беларускага міністэрства, падзякаваў кіраўніцтву МУС за “адкрытасць да супрацы і зрабіў шэраг прапаноў, якія дазволяць паскорыць рэалізацыю сумесных праграм у сферы гарантавання грамадскай бяспекі”.
Кітай вядомы сваёй палітыкай грамадскага кантролю, якая здзяйсняецца ў тым ліку шляхам развіцця маштабнай сістэмы відэаназірання. Рэжым Аляксандра Лукашэнкі ідзе падобным шляхам — у краіне працуе сістэма грамадскага маніторынгу бяспекі, у рамках якой абстаноўку маніторыць больш за 30 тыс. відэакамер.
Рыжанкоў прыняў у новага амбасадара Кітая копіі даверчых грамат
17 верасня, Позірк. Новы амбасадар Кітая ў Беларусі Чжань Вэньчуань 17 верасня ўручыў копіі даверчых грамат міністру замежных спраў Максіму Рыжакову, паведаміла прэс-служба МЗС. Паводле інфармацыі ведамства, бакі "абмяняліся думкамі пра стан і перспектывы развіцця беларуска-кітайскага супрацоўніцтва, падкрэсліўшы яго ўзровень …