Плошча пабудаванага жылля для людзей з патрэбай за чатыры гады зменшылася на 13,4%

26 кастрычніка, Позірк. Плошча ўведзенага ў эксплуатацыю жылля для людзей з патрэбай у паляпшэнні ўмоў за чатыры гады зменшылася на 13,4%, сведчыць праведзены “Позіркам” аналіз даных Нацыянальнага статыстычнага камітэта.

Паводле інфармацыі Белстата, у студзені — верасні 2024 года для гэтай катэгорыі грамадзян увялі 914.955 квадратных метраў жылля. За аналагічны перыяд 2020-га — 1.056.205 кв. м.

Заслухоўваючы 15 кастрычніка даклад аб удасканаленні сацыяльнай падтрымкі насельніцтва, Лукашэнка ў чарговы раз заявіў, што ўлады будуць падтрымліваць шматдзетных. Разам з тым, згодна са статыстычнымі данымі, у студзені — верасні 2024 года арганізацыі ўсіх форм для шматдзетных сем’яў уведзена 352,8 тыс. кв. м — на 20,8% менш, чым за аналагічны перыяд 2023 года (445,7 тыс.).

Еўразійская эканамічная камісія паведамляла, што ў 2023 годзе Беларусь заняла 4-е месца сярод пяці членаў ЕАЭС ва ўводзе жылля ў эксплуатацыю.

Падрабязнасці даступныя падпісчыкам “Позірк+”