50-гадовы мужчына загінуў у Дзяржынскім раёне пад коламі смеццявоза — машына рухалася заднім ходам

11 верасня, Позірк. Аб смяротным дарожна-транспартным здарэнні ў Дзяржынскім раёне паведаміла Дзяржаўтаінспекцыя Мінскай вобласці.

Трагедыя здарылася ўдзень 11 верасня на вуліцы Лугавой у вёсцы Вішнёўка. “55-гадовы кіроўца, кіруючы аўтамабілем МАЗ (смеццявоз), пры руху заднім ходам здзейсніў наезд на 50-гадовага пешахода, які рухаўся ззаду аўтамабіля”, — гаворыцца ў паведамленні.

У выніку ДТЗ пешаход памёр на месцы здарэння.

Праводзіцца праверка.