Затрыманая сямейная пара мастакоў — СМІ
Карціна Ігара Рымашэўскага "Раніца польскага гарадка"
27 кастрычніка, Позірк. Затрыманая сямейная пара мастакоў — Людміла Шчамялёва і Ігар Рымашэўскі, гэта адбылося два тыдні таму, паведамляе “Наша Ніва”.
У чым абвіняюць мужа і жонку, невядома.
64-гадовая Шчамялёва — дачка народнага мастака Беларусі Леаніда Шчамялёва. Працуе ў галіне станковага жывапісу, манументальнага мастацтва і дэкаратыўна-прыкладнога мастацтва. Работы мастачкі знаходзяцца ў Нацыянальным мастацкім музеі, галерэі Webkunsthaus у Германіі, прыватных калекцыях ЗША і іншых краін.
Рымашэўскаму таксама 64 гады. Працуе ў галіне жывапісу, прыкладнога і манументальнага мастацтва. Карціны знаходзяцца ў Нацыянальным мастацкім музеі І ў мастацкім фондзе Беларусі, у галерэях Webkunsthaus у Германіі і Schaer und Wildbolc у Швейцарыі, а таксама ў прыватных калекцыях у розных краінах.
Выданне “Еўрарадыё” звяртае ўвагу, што ў канцы 2020 года Шчамялёва і Рымашэўскі арганізавалі выставу “з пераасэнсаваннем тагачасных падзей”. На прадстаўленых карцінах “было шмат БЧБ-сімволікі, аднак іх змест быў стрыманым”.
Пасля масавых пратэстаў, якія сталі рэакцыяй на сфальсіфікаваныя прэзідэнцкія выбары 2020 года і гвалт з боку сілавікоў, сярод іншых пад рэпрэсіі трапіла вялікая колькасць дзеячаў культуры. Многія звольніліся ў знак пратэсту, былі вымушаныя пакінуць краіну. Адзін з найбольш паказальных прыкладаў — трупа Нацыянальнага акадэмічнага драматычнага тэатра ім. Янкі Купалы, большасць якой падтрымала прыхільнікаў перамен.
Паводле звестак беларускага ПЕНа, за 2023 год было зафіксавана 1.097 парушэнняў у дачыненні да 605 дзеячаў культуры.
13 кастрычніка міністр культуры Анатоль Маркевіч заявіў аб выкараненні ў галіне “дэструктыўных элементаў”. Паводле яго слоў, пасля гэтага культурная супольнасць Беларусі “засяродзіла намаганні на вырашэнні галоўнай задачы — выхаванні годных грамадзян і патрыётаў”.
Тэатр беларускай драматургіі адмяняе спектаклі на фоне паведамленняў аб затрыманні акцёраў
20 кастрычніка, Позірк. Рэспубліканскі тэатр беларускай драматургіі (РТБД) паведаміў на сваім сайце пра змены ў рэпертуары. 17 кастрычніка замест спектакля "Вось я і прыйшла" была паказана пастаноўка "Тэсты для дараслых". 18 кастрычніка адмянілі спектакль "Паляванне на сябе", замест яго гледачам …
