Паводле неафіцыйнай інфармацыі, беларус загінуў пры крушэнні ваеннага верталёта ў Дэмакратычнай Рэспубліцы Конга

31 кастрычніка, Позірк. 64-гадовы грамадзянін Беларусі Віктар Брэжнеў, які пражываў у Наваполацку (Віцебская вобласць), загінуў 30 кастрычніка ў выніку крушэння ваеннага верталёта Мі-24 на ўзлётна-пасадачнай паласе сталічнага аэрапорта Ндола ў Дэмакратычнай Рэспубліцы Конга (ДРК), паведамляе прысвечаны авіяцыі беларускі тэлеграм-канал “От Винта”.

Афіцыйнай інфармацыі няма.

Борт належаў кангалезскім ВПС, прычыны аварыі пакуль не называюцца.

Паведамляецца, што Брэжнеў быў прышпілены і памёр на месцы аварыі, аператар Жумабееў, грамадзянін Узбекістана, а таксама бартавы тэхнік (меркавана прозвішча Карэнскі, іншай інфармацыі няма) памерлі па дарозе ў бальніцу.

У 2017 годзе грамадзяне Беларусі, якія пацярпелі пры крушэнні верталёта ў ДРК, выжылі і былі дастаўлены ў бальніцу.

Аб гібелі беларусаў у суседняй з ДРК Рэспубліцы Конга ў выніку крушэння верталётаў паведамлялася ў 2011 (Аляксандр Косыраў) і 2012 гадах (М.Ф.Чаранкоў).