Другі раз з пачатку года за суткі ніхто не загінуў на пажарах

20 студзеня, Позірк. У Беларусі з 6 раніцы 19 студзеня да 6 раніцы 20 студзеня адбылося 17 пажараў, больш за ўсё (пяць) — у Гомельскай вобласці, траўміравана чатыры чалавекі (тры ў Гомельскай вобласці і адзін у Мінску), загінулых няма, вынікае з сутачнай зводкі Міністэрства па надзвычайных справах сітуацыях.

Такім чынам, сведчыць праведзены “Позіркам” аналіз штодзённых зводак МНС, ведамства другі раз з пачатку года фіксуе адсутнасць інфармацыі аб гібелі людзей на пажарах, упершыню гэта было адзначана ў сутачнай зводцы раніцай 16 студзеня.

З пачатку года ў Беларусі адбылося 347 пажараў (на той жа момант мінулага года іх было 403), на якіх загінула 52 чалавекі (63), траўміравана 30 (34), выратавана 21 (36).