30 студзеня, Позірк. Амерыканская, расійская і агульная еўрапейская валюты патаннелі на таргах Беларускай валютна-фондавай біржы 30 студзеня 2025 года.
Каціроўка долара знізілася да 3,4134 рубля (-0,0018; -0,05%), расійскага рубля — да 3,4374 за 100 (-0,0028; -0,08%), еўра — да 3,5561 ( -0,0139; -0,39%).
Юань падаражэў да 4,6745 за 10 (+0,0009; +0,02%)
На мінулым працоўным тыдні (20–24 студзеня) долар патаннеў на 1,74% (з 3,4751 да 3,4147 рубля), юань — на 1,69% (з 4,7448 да 4,6647 за 10), еўра — на 0,62% (з 3,5802 да 3,558); расійскі рубель падаражэў на 1,69% (з 3,3667 да 3,4235 за 100).
Афіцыйны курс долара ў Беларусі ў 2024 годзе вырас на 9,32% (з 3,1775 да 3,4735 рублі). Гэта чацвёрты паказчык на тэрыторыі былога СССР, сведчыць праведзены “Позіркам” параўнальны аналіз каціровак цэнтрабанкаў на 31 снежня 2023 года і 31 снежня 2024-га.
У 2023 годзе ў Беларусі было другое месца паводле росту афіцыйнага курсу долара (+16,12%), у 2022-м — трэцяе (+7,39%), у 2021-м — чацвёртае сярод краін на тэрыторыі былога СССР, дзе долар патаннеў (-1,19%), у 2020-м — першае месца паводле яго падаражэння (+22,59%).
