Беларус абвінавачваецца ў Польшчы ў спробе кантрабанды амаль 6 тыс. пачкаў цыгарэт

13 сакавіка, Позірк. 5,8 тыс. пачкаў цыгарэт без акцызных марак спрабаваў нелегальна завезці ў Польшчу грамадзянін Беларусі, паведаміла Люблінскае мытна-падатковае ўпраўленне (Бяла-Падляска).

Кантрабанда была схавана ў тайніку ў паўпрычэпе грузавіка, які перавозіў пялеты з лускі сланечніка вытворчасці Казахстана. Яна была знойдзена пры праверцы на мытным пункце Карошчына каля польска-беларускай мяжы.

Агульны кошт канфіскаванай кантрабанды складае больш за 100 тыс. злотых (больш за 26 тыс. долараў. — “Позірк”.)

Прадукцыя былі канфіскаваная, а беларусу — прад’яўлены крымінальныя абвінавачанні.

17 студзеня супрацоўнікі польскага памежнага паста ў Рутка-Тартаку на мяжы з Літвой пры надглядзе аўтамабіля з польскімі рэгістрацыйнымі нумарамі выявілі больш за 1,2 млн беларускіх цыгарэт без акцызных марак.

За рулём фургона быў 53-гадовы грамадзянін Літвы, якому “былі прад’яўлены абвінавачанні ў адпаведнасці з Крымінальным кодэксам”, ён затрыманы. Ацэначны кошт канфіскаваных цыгарэт ацэньваўся больш як у 1 млн злотых (242 тыс. долараў).

19 снежня 2024 года Пракуратура Польшчы паведаміла аб затрыманні 9 лістапада супрацоўнікамі кракаўскага Цэнтральнага следчага ўпраўлення, раённага ўпраўлення паліцыі і мытна-фіскальнай службы двух чалавек, якія падазраюцца ў перавозцы тытунёвых вырабаў у Польшчу з Беларусі без польскіх акцызных марак. Было знойдзена 9 млн цыгарэт, кошт якіх ацэньвалася ў 10 млн злотых (2,46 млн долараў).

11 снежня таго ж года за кантрабанду цыгарэт каля населенага пункта Тыбары-Тшчанка (Падляскае ваяводства) былі затрыманыя беларусы 29 і 47 гадоў. Яны шукалі паветраны шар, які прызямліўся, з 1,3 тыс. пачкаў цыгарэт. Пазней аператыўнікі знайшлі іх машыну, у якой аказалася яшчэ 5,2 тыс. пачкаў цыгарэт без мясцовых акцызных марак.

Затрыманым прад’яўлена абвінавачанне ва ўхіленні ад выплаты падаткаў.

У кастрычніку таго ж года ў Сакалянах Падляскага ваяводства недалёка ад граніцы з Беларуссю прызямліўся паветраны шар з 1,2 тыс. пачак цыгарэт.

Адзначалася, што на пачатку кастрычніка і ў верасні на тэрыторыі Падляскага ваяводства знаходзілі падобныя шары.

Аб спробах кантрабанды беларускіх цыгарэт з дапамогай паветраных шароў Памежная ахова Польшчы паведамляла ў сакавіку 2024 года.