20 сакавіка ў Гомельскай вобласці ўключаць электрасірэны для праверкі — МНС
19 сакавіка, Позірк. Штомесячная тэхнічная праверка электрасірэннага абсталявання пройдзе 20 сакавіка на тэрыторыі Гомельскай вобласці, будуць уключаныя электрасірэны, паведамляе Міністэрства па надзвычайных сітуацыях.
“Захоўвайце спакой, ніякіх дзеянняў не патрабуецца”, — заклікае МНС.
У паветраную прастору Гомельскай вобласці рэгулярна ўрываюцца беспілотныя лятальныя апараты, якія, як мяркуецца, належаць Расіі, якая атакуе аб’екты на тэрыторыі Украіны. Зафіксавана некалькі выпадкаў падзення БПЛА на будынкі.
Маштабнае адключэнне цеплазабеспячэння ў Мазыры (Гомельская вобласць) 27-28 лютага было звязана з падзеннем расійскага беспілотніка, паведамляў са спасылкай на свае крыніцы рэгіянальны сайт “Флагшток“.
Сцвярджалася, што была пашкоджана адна з высакавольтных ліній электраперадачы: “З-за некарэктнага спрацоўвання аўтаматычнай сістэмы абароны аварыйна адключыліся і суседнія высакавольтныя лініі, цалкам абясточыўшы ЦЭЦ. Пасля некалькіх спробаў, станцыя была адноўленая, аднак паўстала новая бяда — пуск цепланосбіта прывёў да гідраўдару ў сістэме трубаправодаў“.
У выніку “ў некалькіх месцах быў пашкоджаны магістральны трубаправод дыяметрам 700 міліметраў”.
Раней “Флагшток” паведамляў, што невядомы лятальны апарат ноччу 27 лютага ўпаў на гаспадарчую пабудову ў Гомельскім раёне і выбухнуў, здарыўся пажар.
Летась 4 кастрычніка Аляксандр Лукашэнка прызнаў факты парушэння мяжы баявымі беспілотнікамі і заявіў, што беларускі бок іх збівае незалежна ад таго, украінскія яны ці расійскія.
Афіцыйныя ведамствы не каментуюць залёт расійскіх дронаў у Беларусь.
Мінск падтрымлівае Маскву ў развязанай ёю поўнамаштабнай вайне супраць Украіны.
З пачатку вайны Расеі супраць Украіны праверкі сістэмы абвесткі сістэматычна праходзяць як мінімум у Літве, Польшчы, Чэхіі. Для гэтага выкарыстоўваюцца рэпрадуктары на вуліцах, праз якія перадаецца паведамленне і гучыць сірэна.
У Беларусі планавая праверка сістэмы абвесткі прайшла 13 сакавіка. У эфіры FM-радыёстанцый транслявалася паведамленне: “Увага! Праводзіцца тэхнічная праверка сістэмы абвесткі. Тэхнічная праверка завершаная”.
Летась штогадовая праверка аўтаматызаванай сістэмы цэнтралізаванай абвесткі (АСЦА) адбылася 21 сакавіка пры ўдзеле “суб’ектаў сістэмы абвесткі“ — Белтэлерадыёкампаніі, тэлеканалаў АНТ і СТБ, кампаніі “Белтэлекам“.
АСЦА прызначаная для таго, каб інфармаваць жыхароў, органы ўлады, а таксама структуры сістэмы грамадзянскай абароны, папярэджання і ліквідацыі НС пра пагрозу або ўзнікненне надзвычайных сітуацый прыроднага і тэхнагеннага характару, ходзе іх ліквідацыі, правілах паводзін насельніцтва ў гэтых умовах.
Звычайна сістэма запускае перадачу сігналу “Увага ўсім!” з дапамогай электрасірэн і сістэм гучнагаварыцельнай сувязі; маўленчай інфармацыі па гучнагаварыцелях; перахапляе сігналы тэле – і радыёканалаў (FM), якія вяшчаюць па ўсёй краіне, у абласных або раённых цэнтрах; уключае інфармацыйны бягучы радок у эфіры рэспубліканскіх тэлеканалаў; ініцыюе рассылку кароткіх паведамленняў з папярэджаннем абанентам сотавай сувязі.
- Грамадства
- Грамадства
- ГрамадстваУ 2024 годзе 60% лясных пажараў выяўлена з дапамогай аўтаматычнай сістэмы відэаназірання — МінлясгасМатэрыял даступны толькі падпісчыкам ПОЗІРК+
- Палітыка
- Палітыка
- Грамадства
- Палітыка
- Грамадства, Палітыка
- Палітыка, ЭканомікаСанкцыі прывялі да згортвання дробнага бізнесу ў дрэваапрацоўцы — МінлясгасМатэрыял даступны толькі падпісчыкам ПОЗІРК+
- Грамадства, ПалітыкаБеларусь актывізуе студэнцкія абмены з ВенгрыяйМатэрыял даступны толькі падпісчыкам ПОЗІРК+
- Палітыка
- ГрамадстваНа аднаго жыхара Беларусі прыходзіцца ў два разы больш лесу, чым у сярэднім у свеце — МінлясгасМатэрыял даступны толькі падпісчыкам ПОЗІРК+
- ПалітыкаРашэнне па скарзе на адмову Грузіі надаць прытулак беларускаму праваабаронцу Кісляку будзе абвешчанае 26 сакавіка (падрабязна)Матэрыял даступны толькі падпісчыкам ПОЗІРК+
- Грамадства, Палітыка
- Грамадства
- ГрамадстваПраблему ДТЗ з удзелам жывёл можна вырашыць толькі комплексна — прадстаўнік Мінлясгаса (падрабязна)Матэрыял даступны толькі падпісчыкам ПОЗІРК+
- ЭканомікаДаныя Белстата: У студзені — лютым вобласць прызначанага віцэ-прэм'ерам Караніка была горшай у краіне па дынаміцы развіццяМатэрыял даступны толькі падпісчыкам ПОЗІРК+
- Грамадства
- Грамадства, ЭканомікаКолькасць электронных паслуг, аказаных праз адзіны партал, за тры гады вырасла амаль у восем разоўМатэрыял даступны толькі падпісчыкам ПОЗІРК+
- Эканоміка
- Грамадства, ЭканомікаДаходы ад паляўнічага турызму з удзелам замежнікаў павялічыліся за год на 30% — Мінлясгас (падрабязна)Матэрыял даступны толькі падпісчыкам ПОЗІРК+
- Палітыка
- Грамадства, Палітыка
- Эканоміка
- Грамадства
- Палітыка, Эканоміка
- Эканоміка
- Грамадства
- Эканоміка
- Грамадства