МНС папярэджвае пра небяспеку ўзмоцненага ветру 24 сакавіка

24 сакавіка, Позірк. У Беларусі 24 сакавіка чакаецца паўднёва-ўсходні і паўднёвы вецер хуткасцю 5–10 метраў на секунду, аднак у многіх раёнах яго парывы ​​будуць дасягаць 15–20 м/c, паведамляе Міністэрства па надзвычайных сітуацыях.

Шкала Бофарта класіфікуе вецер хуткасцю 4–5 м/c і 6–7 м/c як слабы і ўмераны адпаведна (3 і 4 балы з 12), 8–10 і 11–13 м/c як свежы і моцны (5 і 6 балаў), 14–17, 18–20 м/с — моцны і вельмі моцны (7 і 8 балаў).

МНС папярэджвае, што такія ўмовы надвор’я могуць прывесці да “пашкоджання (абрыву) ліній сувязі і электраперадачы, адключэння электрычных падстанцый, электраэнергіі ў населеных пунктах; пашкоджання (абвальвання) слаба ўмацаваных канструкцый, дахаў будынкаў, збудаванняў; падзення дрэў”.

24 сакавіка будзе воблачна, часам дажджы (раніцай у паўночнай частцы Беларусі магчымы мокры снег). Тэмпература паветра складзе 4–10 градусаў цяпла, у паўднёва-заходняй частцы краіны — да 15 градусаў.