Мінск 09:04

Ціханоўская: Прынятая Сеймам Польшчы рэзалюцыя — “гэта магутная заява пра тое, што Беларусь не забытая”

Ілюстратыўная выява: тэлеграм-канал Святланы Ціханоўскай

4 красавіка, Позірк. Прынятая Сеймам Польшчы 4 красавіка рэзалюцыя — “не проста словы, гэта магутная заява пра тое, што Беларусь не забытая”, заявіла ў відэазвароце да польскіх парламентарыяў дэмакратычны лідар Святлана Ціханоўская.

Паводле яе слоў, дакумент “пацвярджае, што рэжым Лукашэнкі нелегітымны, Беларусь не павінна быць інструментам у вайне Расіі [супраць Украіны], а ўсе палітычныя зняволеныя павінны быць вызваленыя”.

“Польшча разумее цану свабоды, і сёння беларусы таксама плацяць яе — Анджэй Пачобут, Ігар Лосік, Марыя Калеснікава, Сяргей Ціханоўскі і тысячы іншых застаюцца за кратамі”, — адзначыла палітык.

Яна падзякавала Польшчы за тое, што пасля падзей 2020 года яна прыняла “тысячы беларусаў, забяспечыўшы ім бяспеку і падтрымку”. “Мы разлічваем на вашу далейшую дапамогу — незалежным СМІ, грамадзянскай супольнасці і тым, хто зазнае рэпрэсіі”, — дадала Ціханоўская.

Рэзалюцыя аб непрызнанні вынікаў выбараў у Беларусі была прынятая Сеймам Польшчы 4 красавіка. За прыняцце дакумента выказаўся 431 дэпутат, супраць — 2, ніхто не ўстрымаўся.

Падрабязнасці даступныя падпісчыкам “Позірк+”

Падзяліцца: