Аўтобус з беларусамі перакуліўся пад Варшавай, ёсць пацярпелыя

29 красавіка, Позірк. 16 чалавек, у тым ліку адно дзіця, дастаўлена ў бальніцу пасля двух дарожна-транспартных здарэнняў каля Варшавы, паведамляе польскае выданне rmf24.pl.

Адзначаецца, што 29 красавіка на хуткаснай аўтадарозе недалёка ад міжнароднага аэрапорта імя Шапэна “спачатку аўтобус урэзаўся ў агароджу і перакуліўся на бок”, а затым “грузавік урэзаўся ў машыну Добраахвотнай пажарнай аховы”.

Аўтобус перавозіў 26 чалавек, сярод якіх былі грамадзяне Беларусі і Украіны, гаворыцца ў публікацыі.

Паведамляецца, што стан двух пацярпелых ацэньваецца як цяжкі.

Паводле слоў прэс-сакратара Міністэрства ўнутраных спраў і адміністрацыі Польшчы Яцэка Дабжыньскага, у бальніцу дастаўлена 12 чалавек з аўтобуса.

Па якім маршруце ехаў аўтобус, не ўдакладняецца.

14 лістапада 2024 года паведамлялася аб ДТЗ у Польшчы з удзелам аўтобуса, які рухаўся па маршруце Гомель — Уроцлаў. У аўтобусе ехала 11 чалавек, пацярпела шэсць грамадзян Беларусі, яны былі дастаўленыя ў медыцынскія ўстановы.

24 красавіка ў раёне горада Седльцэ (Мазавецкае ваяводства Польшчы) аўтобус Гданьск — Мінск вылецеў з дарогі ў кювет, дзе перакуліўся на бок і стукнуўся ў дрэва лабавым шклом. У аўтобусе знаходзілася 15 чалавек, сямёра з іх атрымалі траўмы.

Грамадства

Грамадства

З-за чэргаў на мяжы з Польшчай “Мінсктранс" зноў арганізаваў бясплатную перасадку пасажыраў у аўтобусы, якія стаяць наперадзе

28 красавіка, Позірк. У сувязі з доўгімі чэргамі на мяжы з Польшчай “Мінсктранс" зноў арганізаваў бясплатную перасадку пасажыраў у аўтобусы прадпрыемства, якія стаяць наперадзе. Умовы: наяўнасць свабодных месцаў у аўтобусах і квіток да Варшавы альбо варшаўскага аэрапорта імя Шапэна. “У …

Чытаць