Мінулай ноччу перапісана восем рэкордаў холаду, у Бабруйску — новы гістарычны мінімум траўня
6 траўня, Позірк. Восем тэмпературных антырэкордаў зафіксавана мінулай ноччу на беларускіх метэастанцыях, сведчыць праведзены “Позіркам“ параўнальны аналіз аператыўных і архіўных даных Белгідрамета.
Халадней за ўсё было ў Бабруйску — 4,5 градуса марозу. Тут перакрыты гістарычны мінімум ночы і ўсяго месяца (-4 градуса 6 траўня 1999 года).
У Мінску ранейшы антырэкорд ночы пратрымаўся два гады (-3,8 супраць -3,5 у 2023 годзе).
З 7 па 9 траўня Белгідрамет зноў прагназуе замаразкі да -5. Днём не вышэй 13-15 градусаў цяпла. Ноччу 9 траўня магчымы мокры снег.
