Колькасць стратных прадпрыемстваў дасягнула ў Беларусі 20%
27 траўня, Позірк. У студзені — сакавіку 2025 года стратнымі ў Беларусі былі 20% зарэгістраваных прадпрыемстваў (без уліку суб’ектаў малога прадпрымальніцтва) — на 3,6 працэнтнага пункта больш, чым за першы квартал 2024-га (16,4%).
У Мінску колькасць такіх арганізацый павялічылася на 5,9 п.п. (з 20,2% да 26,1%), Мінскай вобласці — на 2 п.п. (з 17,5% да 19,5%), Брэсцкай — на 3,7 п.п. (з 14,8% да 18,5%), Магілёўскай — на 1,8 п.п. (з 16,4% да 18,2%), Віцебскай — на 2,4 п.п. (з 12,9% да 15,3%), Гомельскай — на 3,6 п.п. (з 11,3% да 14,9%); у Гродзенскай не змянілася — 18,9%.