За пяць гадоў колькасць звольненых нядобрасумленных работнікаў вырасла на 8%
13 ліпеня, Позірк. З 279.196 работнікаў, звольненых у Беларусі за студзень — травень 2025 года, за прагул і іншыя парушэнні працоўнай дысцыпліны працы пазбавілася 5,5% (15.295), праз ліквідацыю арганізацыі, скарачэнне колькасці або штата — 0,4% (1.215), сведчыць праведзены “Позіркам” аналіз звестак Нацыянальнага статыстычнага камітэта.
За пяць гадоў колькасць звольненых парушальнікаў павялічылася на 7,9% (з 14.171 за пяць месяцаў 2020-га да 15.295 за той жа перыяд 2025-га), скарочаных — зменшылася на 28,6% (з 1.701 да 1.215).
