Беларусь і Лаос падпісалі пагадненне аб узаемнай адмене віз
17 ліпеня, Позірк. Міжурадавае пагадненне аб узаемнай адмене віз па выніках сустрэчы 17 ліпеня падпісалі міністры замежных спраў Беларусі і Лаоса Максім Рыжанкоў і Тхонгсаван Фамвіхан.
Сустрэча прайшла ў Лаосе, паведамляе беларускае знешнепалітычнае ведамства.
Адмена віз, як заяўляе МЗС, “адкрые новыя перспектывы для развіцця двухбаковых сувязяў у розных сферах — ад дзелавога партнёрства і ўзаемадзеяння грамадскіх арганізацый да турызму і гуманітарных ініцыятыў”.
На перамовах міністры адзначылі “ўстойлівую пазітыўную дынаміку беларуска-лаоскіх адносін, заснаваную на трывалых гістарычных сувязях, якія ўзыходзяць да савецкага перыяду”.
Анансуецца абмен візітамі на вышэйшым узроўні, у прыватнасці, прыезд у Беларусь прэзідэнт Лаоса Тханглуна Сісуліта.
З Сісулітай Рыжанкоў таксама сустрэўся 17 ліпеня, МЗС назваў гэта “ключавым мерапрыемствам” візіту кіраўніка МЗС у Лаос.
“Асаблівая ўвага” на сустрэчы была нададзена “рэалізацыі дамоўленасцяў, дасягнутых падчас сустрэчы прэзідэнтаў Беларусі і Лаоса на палях саміту БРІКС у Казані ў кастрычніку 2024 года”. “У кантэксце падрыхтоўкі візіту прэзідэнта Лаоса ў Беларусь беларускі бок прапанаваў правесці міжмідаўскія палітычныя кансультацыі па ўсіх пытаннях двухбаковага парадку дня, актуалізаваць дагаворна-прававую базу, паскорыць правядзенне пасяджэння міжурадавай камісіі па гандлёва-эканамічным супрацоўніцтве, арганізаваць візіт міністра замежных спраў Лаоса ў Беларусь, а таксама актывізаваць узаемадзеянне па лініі грамадскіх арганізацый і палітычных партый”, — гаворыцца ў рэлізе.
На сустрэчы з прэм’ер-міністрам Лаоса Сонсаем Сіпханданам “асноўны акцэнт быў зроблены на развіцці гандлёва-эканамічнага супрацоўніцтва паміж дзвюма дзяржавамі”.
Заяўляецца, што лаоскі прэм’ер “выказаў зацікаўленасць у супрацоўніцтве з Беларуссю ў сферах энергетыкі, нафтахіміі, здабычы карысных выкапняў і сельскай гаспадаркі”.
“Асобная цікавасць лаоскага боку была праяўлена да тэхналагічных магчымасцяў Беларусі па вытворчасці калійных угнаенняў і дзіцячага харчавання на базе сухога малака”, — адзначае МЗС.
Рыжанкоў важным напрамкам двухбаковага супрацоўніцтва назваў “падрыхтоўку лаоскіх спецыялістаў у беларускіх установах адукацыі па спецыяльнасцях, запатрабаваных для рэалізацыі сумесных праектаў”.
Беларусь і Лаос усталявалі дыпламатычныя адносіны 7 лютага 1994 года.
- Палітыка
- Палітыка, Эканоміка
- Палітыка
- Грамадства
- Эканоміка
- ЭканомікаАфіцыйны курс долара за 8 месяцаў 2025 года знізіўся на 14,3% — другі паказчык на тэрыторыі былога СССР (падрабязна)Матэрыял даступны толькі падпісчыкам ПОЗІРК+
- Палітыка
- Грамадства
- ПалітыкаЦіханоўская: Рэжым шантажуе сваякоў сябраў АПК у БеларусіМатэрыял даступны толькі падпісчыкам ПОЗІРК+
- Грамадства, Палітыка
- Палітыка
- Палітыка
- Грамадства
- Палітыка
- Палітыка
- Палітыка, Эканоміка
- Палітыка
- Грамадства, ПалітыкаМіжнародная платформа па зборы доказаў злачынстваў рэжыму Лукашэнкі мае сведчанні 2,7 тыс. ахвяраў рэпрэсій (падрабязна)Матэрыял даступны толькі падпісчыкам ПОЗІРК+
- ЭканомікаПратэрмінаваная запазычанасць арганізацый па выплаце падаткаў павялічылася за месяц на 0,4%Матэрыял даступны толькі падпісчыкам ПОЗІРК+
- Грамадства