9 жніўня, Позірк. Салідарнасць з народам Беларусі, які працягвае “дэманстраваць сілу і рашучасць перад тварам рэпрэсій“, выказала 9 жніўня міністр замежных спраў Фінляндыі Эліна Валтанен з нагоды пятай гадавіны прэзідэнцкіх выбараў 2020 года ў Беларусі. Яна заявіла пра падтрымку свабоднай і дэмакратычнай Беларусі.
З Валтанен сустракалася Святлана Ціханоўская ў рамках візіту ў Хельсінкі сёлета 30 ліпеня — 1 жніўня. Фінляндыя мае намер выдаткаваць 50 тыс. еўра для Міжнароднага гуманітарнага фонду падтрымкі палітвязняў у Беларусі і іх сем’яў, паведаміў “Позірку“ па выніках перамоваў галоўны саветнік дэмакратычнага лідара Франак Вячорка.
Міністэрства замежных спраў Нарвегіі з нагоды гадавіны выбараў-2020 адзначыла, што беларусы выступілі за свабоду і дэмакратыю, але сутыкнуліся з жорсткімі рэпрэсіямі. Нарвегія заявіла аб цвёрдай падтрымцы свабоднай, дэмакратычнай і незалежнай Беларусі.
Знешнепалітычнае ведамства Даніі падкрэсліла, што ўсе палітвязні ў Беларусі павінны быць вызваленыя. Адзначаецца, што Капенгаген падтрымлівае заяву ЕС і салідарны з беларускім народам, які змагаецца за свабодную і дэмакратычную краіну.
Гл. таксама:
Кіраўніца Еўракамісіі: Мы не спынімся, пакуль у Беларусі не будуць вызваленыя ўсе палітвязні
Салідарнасць з дэмакратычнай Беларуссю выказаў шэраг вядомых палітыкаў
Рэпрэсіі ў Беларусі непрымальныя і павінны быць спыненыя — Калас
Аўтарызавацца
Забыліся пароль?
Выхад з профілю
