У Латвіі выяўленыя два метэазонды з беларускімі цыгарэтамі

5 снежня, Позірк. Супрацоўнікі памежнай аховы і паліцыі Латвіі 3 снежня выявілі метэазонды з кантрабанднымі беларускімі цыгарэтамі ў Аўгшдаўгаўскім і Ліванскім краях.

Як паведаміла Дзяржаўная памежная ахова Латвіі, да першага метэазонду была прымацаваная ўпакоўка з 31.800 цыгарэт маркі “NZ”, да другога — з 31.200.

Па абодвух фактах узбуджаная крымінальная справа паводле ч. 3 арт. 221 КК Латвіі за незаконны абарот тытунёвых вырабаў у буйным памеры, адзначае памежная служба.

Аб затрыманні датычных да кантрабанды не паведамляецца.

Метэазонды з беларускімі цыгарэтамі часта перахопліваюцца ў Літве. Праз гэта рэгулярна прыпыняе працу аэрапорт у Вільнюс.

Аб выяўленні аэрастатаў з цыгарэтамі ў Латвіі паведамлялася 24 лістапада. Было перахоплена сем шароў, кожны з якіх транспартаваў каля 60 тыс. кантрабандных цыгарэт (па 3 тыс. пачкаў).