Сямігадовае дзіця шпіталізаванае пасля ДТЗ у Брэсце — яго збіў аўтамабіль

1 сакавіка, Позірк. Аб дарожна-транспартным здарэнні з удзелам дзіцяці ў Брэсце паведамляе УУС мясцовага аблвыканкама.

ДТЗ здарылася 28 лютага каля 20:10 гадзін.

Адзначаецца, што 50-гадовы кіроўца кіраваў аўтамабілем “Форд” і рухаўся па вуліцы Мытнай у напрамку вуліцы Ковельскай. Паводле папярэдняй інфармацыі, паблізу дома №18 ён “здзейсніў наезд на сямігадовага хлопчыка, які перасякаў праезную частку па-за пешаходным пераходам злева направа па ходзе руху аўтамабіля”.

“У выніку ДТЗ непаўнагадовы пешаход шпіталізаваны. Праводзіцца праверка”, — паведамілі ва УУС.