МНС папярэдзіла пра навальніцы на захадзе Беларусі — магчымыя перабоі з электразабеспячэннем і пажары (дапоўнена)

17 траўня, Позірк. У заходніх рэгіёнах Беларусі 17 траўня чакаюцца навальніцы, паведамляе Міністэрства па надзвычайных сітуацыях.

“Фактары небяспекі: пашкоджанне (абрыў) ліній сувязі і электраперадач, адключэнне электрычных падстанцый, электраэнергіі ў населеных пунктах, узнікнення лясных пажараў, а таксама пажараў у жылых і вытворчых будынках”, — гаворыцца ў паведамленні.

МНС адзначае, што ў Беларусі 17 траўня будзе пераменная воблачнасць. Вецер паўднёва-ўсходні, усходні 3–8 м/с, пры навальніцах парывы да 14 м/с. Тэмпература паветра складзе +20 +26°С, у заходніх раёнах месцамі +17 +19°С.

Дапаўненне.

На 18 траўня ў Мінскай, Гродзенскай і Віцебскай вобласцях абвешчаны аранжавы ўзровень небяспекі, паведамляе МНС. У многіх раёнах чакаюцца навальніцы, шквалістае ўзмацненне ветру парывамі 15–20 м/с. тэмпература паветра ў названых рэгіёнах складзе ад +9 (уначы) да +27°С.

Ведамства папярэджвае аб верагоднасці пашкоджання (абрыву) ліній сувязі і электраперадач, парушэння электразабеспячэння, пашкоджання (абвальвання) слаба ўмацаваных канструкцый, дахаў будынкаў, падзення дрэў і інш.

МНС рэкамендавала арганізацыям і грамадзянам прыняць неабходныя меры засцярогі.