За суткі ў Беларусі патанулі тры чалавекі — МНС

1 ліпеня, Позірк. Тры чалавекі патанулі ў Беларусі за мінулыя дзяжурныя суткі (з 6:00 30 чэрвеня па 6:00 1 ліпеня), паведамляецца ў зводцы Міністэрства па надзвычайных сітуацыях.

Усе загінулыя — мужчыны.

У чэрвені (Мінская вобласць) у возеры Натальеўскае патануў пенсіянер 1966 года нараджэння.

У рацэ Сеніца аднайменнага аграгарадка Мінскага раёна знойдзена цела непрацуючага грамадзяніна 1965 г.н.

У возеры ў пасёлку Дамачава Брэсцкага раёна патануў грамадзянін 1993 г.н.

Суткамі раней МНС паведамляла пра патанулага 29 чэрвеня пенсіянера 1962 г.н. у штучным вадаёме на тэрыторыі прыватнага домаўладання ў вёсцы Востраў Глыбоцкага раёна (Віцебская вобласць).

За выхадныя 27–28 чэрвеня, паводле інфармацыі Рэспубліканскага таварыства ратавання на водах (ТРВОД), у Беларусі патанула 15 чалавек.

На 1 ліпеня Белгідраметам абвешчаны чырвоны ўзровень небяспекі ў сувязі са спякотай. Прагназуецца, што ў дзённыя гадзіны на большай частцы тэрыторыі краіны максімальная тэмпература паветра складзе +30–34°C, па паўднёвым захадзе +35–37°C. У Мінску чакаецца +30–32°C.