Шасцігадовае дзіця загінула ў Магілёўскім раёне, выехаўшы на ровары на дарогу
6 ліпеня, Позірк. Аб дарожна-транспартным здарэнні, у якім загінула шасцігадовае дзіця, паведаміў Следчы камітэт.
Паводле папярэдняй інфармацыі, днём 6 ліпеня на 26-м кіламетры аўтадарогі Р-93 Магілёў — Бабруйск паблізу садовага таварыства “Пушча“ 38-гадовы кіроўца Audi здзейсніў наезд дзяўчынку, “якая раптам выехала на ровары на праезную частку“.
Ад атрыманых траўмаў дзіця памерла на месцы.
На месцы аварыі працуе следча-аператыўная група. Праводзіцца яго агляд, фіксуецца следавая карціна, дапытваюцца сведкі.
Паведамляецца, што дзяўчынка каталася на ровары без нагляду дарослых.
Магілёўскім міжраённым аддзелам СК распачата крымінальная справа паводле ч. 2 арт. 317 КК (парушэнне правілаў дарожнага руху асобай, якая кіруе транспартным сродкам, што пацягнула па неасцярожнасці смерць чалавека).
У сувязі з тым, што адбылося ведамства нагадала бацькам: “Катэгарычна забарнаіце дзецям выязджаць на роварах на загарадныя трасы і хуткасныя аўтадарогі. Не адпускайце дзяцей адных на вуліцу, строга кантралюйце іх вольны час і рэгулярна паўтарайце правілы дарожнага руху. Не пакідайце непаўналетніх адных ля праезнай часткі, на прыпынках транспарту і ў дварах з актыўным рухам [аўто]“.
У Столінскім раёне ДТЗ з двума непаўналетнімі матацыклісткамі
6 ліпеня, Позірк. Аб сутыкненні двух матацыклаў, якімі кіравалі дзяўчыны-падлеткі, якія не маюць правоў, паведаміла прэс-служба МУС. ДТЗ адбылося ў в. Аздамічы Столінскага раёна Брэсцкай вобласці. Падзяляецца, што "15-гадовая мясцовая жыхарка без права кіравання ехала разам з 13-гадовай пасажыркай без …
