Дарадца Ціханоўскай абмеркаваў з прадстаўніком МЗС Аўстрыі сітуацыю з палітвязнямі ў Беларусі
Томас Мюльман (другі злева), Дзяніс Кучынскі (трэці справа)
16 ліпеня, Позірк. Сітуацыю з палітвязнямі ў Беларусі абмеркаваў з дырэктарам дэпартамента МЗС Аўстрыі па Усходняй Еўропе Томасам Мюльманам дарадца беларускага дэмакратычнага лідара Святланы Ціханоўскай па дыпламатычных пытаннях і дырэктар яе вільнюскага офіса Дзяніс Кучынскі.
“Мы віталі Томаса Мюльмана <…> у штаб-кватэры Святланы Ціханоўскай у Вільнюсе разам з прадстаўнікамі беларускай грамадзянскай супольнасці, — напісаў ён 16 ліпеня на сваёй старонцы ў сацыяльнай сетцы Х. — Мы абмеркавалі <…> транснацыянальныя рэпрэсіі, падтрымку грамадзянскай супольнасці і культуры, пытанні легальнага знаходжання беларусаў у Аўстрыі, а таксама супрацы паміж Украінай і дэмакратычнай Беларуссю”.
“Дзякуем Аўстрыі за далучэнне да Міжнароднага гуманітарнага фонду і за яе нязменную падтрымку беларускага народа”, — адзначыў Кучынскі.
Апошні раз Ціханоўская наведвала Аўстрыю напрыканцы лютага 2026 года. Палітык узяла ўдзел у 25-м зімовым пасяджэнні Парламенцкай асамблеі Арганізацыі па бяспецы і супрацоўніцтве ў Еўропе і дыскусіі “Беларусь і Парламенцкая асамблея АБСЕ: круглы стол пра шлях да дэмакратыі і гуманітарныя прыярытэты”, якая прайшла на яе палях.
Ціханоўская заклікала ПА АБСЕ стварыць працоўную групу і прызначыць спецдакладчыка па Беларусі
20 лютага, Позірк. Стварыць працоўную групу па Беларусі ў рамках Парламенцкай асамблеі АБСЕ і запрашаць на сесіі прадстаўнікоў дэмакратычных сіл заклікала беларускі дэмакратычны лідар Святлана Ціханоўская, выступаючы 20 лютага на пасяджэнні ПА АБСЕ ў Вене. Палітык таксама прапанавала прызначыць спецыяльнага …
Ціханоўская лічыць, што АБСЕ можа адыграць ключавую ролю ў вырашэнні беларускага крызісу (падрабязна)
19 лютага, Позірк. Арганізацыя па бяспецы і супрацоўніцтве ў Еўропе (АБСЕ) “можа адыграць ключавую ролю ў вырашэнні беларускага крызісу“, “гэтая арганізацыя была створана менавіта для вырашэння падобных выклікаў“. Такую заяву зрабіла беларускі дэмакратычны лідар Святлана Ціханоўская, звяртаючыся да ўдзельнікаў праведзенага …
