Чарнагор у 512-ю гадавіну бітвы пад Оршай: Супрацьстаяць маскоўскай экспансіі можна пры аб’яднанні намаганняў краін рэгіёна
8 верасня, Позірк. “Маскоўская экспансія мае доўгую гісторыю, а найбольш паспяхова супрацьдзейнічаць ёй атрымлівалася тады, калі дзяржавы рэгіёна аб’ядноўвалі свае намаганні”, — адзначыў на сваёй старонцы ў “Фэйсбуку” амбасадар МЗС Украіны па асаблівых даручэннях Яраслаў Чарнагор 8 верасня — у 512-ю гадавіну бітвы пад Оршай.
Дыпламат нагадаў, што ў гэты дзень у 1514 годзе “пад Оршай аб’яднанае войска Вялікага Княства Літоўскага і Польскага Каралеўства разграміла войска Маскоўскага княства”.
“Гэтая бітва ёсць часткай агульнай гістарычнай спадчыны — Украіны, Беларусі, Літвы і Польшчы. Пад кіраўніцтвам князя Канстанціна Астрожскага — вялікага гетмана літоўскага і маршалка Валынскай зямлі — воіны Вялікага Княства Літоўскага, у тым ліку з руськіх (украінскіх) зямель, разам з польскімі саюзнікамі спынілі наступ Маскоўскага княства”, — напісаў Чарнагор.
Бітва пад Оршай 8 верасня 1514 года — бітва падчас Літоўска-маскоўскай вайны (1512–1522 гады) паміж войскамі Вялікага Княства Літоўскага з польскімі харугвамі супраць Маскоўскай дзяржавы, у якой першыя перамаглі, нягледзячы на значную перавагу ворага ў колькасці.
Традыцыйна гэты дзень адзначаецца дэмсіламі як Дзень беларускай вайсковай славы.
Перамога ў бітве пад Оршай сведчыць пра тое, што беларусы маюць сваю ваенную гісторыю — Ціханоўская
8 верасня, Позірк. Перамога войскаў Вялікага Княства Літоўскага і Каралеўства Польскага 8 верасня 1514 года пад Оршай — сведчанне таго, што беларусы маюць "сваю ваенную гісторыю", гаворыцца ў заяве дэмакратычнага лідара Святланы Ціханоўскай у 512-ю гадавіну бітвы з маскоўскім войскам. …
