У Мінску перакрыты тэмпературны рэкорд 94-гадовай даўніны
10 верасня, Позірк. 20 тэмпературных рэкордаў зафіксавана 9 верасня на беларускіх метэастанцыях, сведчыць праведзены “Позіркам“ параўнальны аналіз аператыўных і даступных архіўных (па 48 станцыях) даных Белгідрамета.
Найстарэйшы рэкорд — 94-гадовай даўніны — перапісаны ў Мінску, дзе паветра прагрэлася да 28 градусаў (27,4 у 1932 годзе).
Найгарачэй было ў Брэсце — 31,5 градуса (29,9 у 1994 годзе) і Высокім — 31,4 (29,2 у 1994-м).
У Гродне гістарычны максімум дня пратрымаўся 21 год (30,6 градуса супраць 28,5).
Абсалютны максімум дня выстаяў (31,8 градуса 9 верасня 1944 года ў Васілевічах).
