Зацверджаны правілы надання растэрміноўкі за легалізацыю самавольна занятых участкаў

2 кастрычніка, Позірк. Урад Беларусі зацвердзіў парадак выдачы растэрміноўкі за легалізацыю самавольна занятых зямельных надзелаў, паведаміла 2 кастрычніка прэс-служба Савета міністраў.

Для атрымання растэрміноўкі неабходна звярнуцца ў мясцовы выканкам з заявай да прыняцця рашэння аб легалізацыі. Падаць яе можна асобна ад дакументаў на прадастаўленне ўчастка.

Адначасова неабходна ўнесці аплату ў памеры не менш за 25% устаноўленай сумы. Астатнюю частку можна выплачваць у растэрміноўку, але не больш за пяць гадоў.

Выканкамы таксама змогуць устанавіць мінімальную суму, пры якой растэрміноўка прадастаўляцца не будзе.

У растэрміноўцы можа быць адмоўлена, калі заяўнік паказаў недакладныя звесткі або раней парушаў умовы аплаты зямельных участкаў, якія яму надаваліся ў растэрміноўку.