Больш за ўсё рэальны заробак у гадавым вымярэнні павялічыўся ў Віцебскай вобласці, менш — у Мінску
28 кастрычніка, Позірк. Рэальны заробак работнікаў у студзені — верасні 2026-га павялічыўся ў Беларусі на 7,7% (у гадавым вымярэнні), паведамляе Нацыянальны статыстычны камітэт.
Рост зафіксаваны ва ўсіх рэгіёнах і сталіцы: у Віцебскай вобласці — на 9,7%, Гродзенскай і Брэсцкай — на 9,1%, Мінскай — на 8,4%, Магілёўскай — на 8,1%, Гомельскай — на 6,8%, Мінску — на 5,7%.
У студзені — верасні 2026 года ВУП Беларусі павялічыўся на 2% у параўнанні з тым жа леташнім перыядам. У бягучых цэнах ён склаў 237 млрд рублёў.
Сітуацыя ў рэгіёнах: Мінск — рост ВРП да студзеня — верасня 2025-га на 1,9% (месяц таму рост у гадавым вымярэнні складаў 1,6%), Мінская вобласць — +2,5% (+2,6%), Брэсцкая — +3,4% (+3,4%), Гомельская — +1,3% (+1,6%), Гродзенская — +1,1% (+0,9%), Магілёўская — +1% (+0,9%), Віцебская — +0,3% (+0,3%).
У студзені эканоміка скарацілася на 1,2% да студзеня 2025-га (23,3 млрд рублёў), у студзені — лютым — на 1,2% да таго ж перыяду мінулага года (43,9 млрд), у студзені — сакавіку — на 0,4% (68,2 млрд), у студзені — красавіку — вырасла на 0,2% (94,5 млрд), у студзені — траўні — на 0,9% (118,6 млрд), у студзені — чэрвені — на 1,5% (149,6 млрд), у студзені — ліпені — на 2,1% (180,5 млрд), у студзені — жніўні — на 1,9% (209,1 млрд).
Паводле найважнейшых эканамічных прагнозных (дэ-факта планавых) параметраў на 2026 год, валавы ўнутраны прадукт павінен павялічыцца на 2,8%.
Намінальная налічаная сярэдняя заработная плата работнікаў у верасні 2026 года склала 3.099,3 рублі — на 36,6 рубля менш (-1,17%), чым у жніўні (3.135,9).
У студзені яна была роўная 2.757,1 рубля, у лютым — 2.743, сакавіку — 2.975,8, красавіку — 2.952,9, траўні — 3.003,5, чэрвені — 3.104,1, ліпені — 3.172.
